Акафист Петру и февронии

Икос 1

Ангели земнии и человецы небеснии воистинну явистеся, блаженнии Петре и Февроние, от юности вашея чистую совесть имущии к Богу, и добре во благочестии и чистоте вкупе пожившии, нам же оставльшии в пример подражания житие ваше богоугодное, емуже чудящеся и чудесы вашими озаряеми, зовем вам гласы хвалебными сице:

Радуйтеся, от юности вашея Христа возлюбившии и Тому от души поработавшии.

Радуйтеся, целомудрия хранители и душевныя и телесныя чистоты рачители.

Радуйтеся, души ваша и телеса на земли в обиталище Духа Святаго уготовившии.

Радуйтеся, исполненнии премудрости и разума божественнаго.

Радуйтеся, яко во плоти, яко безплотни, вкупе пожисте.

Радуйтеся, яко равноангельную честь достойне приясте.

Радуйтеся, яко от земли на Небо преидосте и тамо со Ангелы Троице предстоите.

Радуйтеся, яко со безплотными лики трисвятую песнь Ей воспеваете.

Радуйтеся, на Небеси и на земли от Господа прославленнии.

Радуйтеся, обретшии вечное всесветлое место упокоения.

Радуйтеся, града Мурома сокровища пребогатая.

Радуйтеся, источницы неистощимии чудес.

Радуйтеся, святии и преславнии чудотворцы Петре и Февроние.

Икос 3

Имуще попечение о людех своих, преблаженнии Петре и Февроние, неусыпно подвизастеся ко благу их, благочестие насаждая, нечестие искореняя и вражду умиротворяя. Темже и Господь, видя таковыя подвиги ваша, землю Муромскую плодоносием благослови и мир глубок княжению вашему дарова, подвизая люди ваша благодарственно воспевати вам сице:

Радуйтеся, угодницы Божии, житию великих святых сопричастницы.

Радуйтеся, правителие предобрии, люди муромския ко спасению путеводившии.

Радуйтеся, христианскаго благочестия блюстители.

Радуйтеся, нестроения, раздоров и всякаго нечестия искоренители.

Радуйтеся, супругов христиан ко благочестному житию наставницы.

Радуйтеся, целомудрия и воздержания супружеская образи преизящнии.

Радуйтеся, праведнаго суда рачители.

Радуйтеся, немздоимства и безкорыстия ревнители.

Радуйтеся, святых царей Константина и Елены добродетелей стяжатели.

Радуйтеся, равноапостольнаго князя Владимира и блаженныя княгини Ольги достойнии преемницы.

Радуйтеся, двоице пречестная и благое сочетание, лучами чудес немерцаемо сияющии.

Радуйтеся, отечества вашего пресветлии светилъницы.

Радуйтеся, святии и преславнии чудотворцы Петре и Февроние.

Икос 4

Слышавше ближнии и дальнии благочестное житие ваше, благовернии Петре и Февроние, прославляху человеколюбца Бога, даровавшаго вам крепость на вся дела благая, имиже яко лучами пресветлыми, просияете в отечестве вашем, идеже и доныне имена ваша честны, и подвиги ваша воспеваются похвалами сими:

Радуйтеся, двоице пресветлая, Богом совокупленная.

Радуйтеся, светом благочестнаго жития вашего, яко светила богосветлая, просиявшии.

Радуйтеся, милостынею и молитвами Небесное Царствие стяжавшии.

Радуйтеся, смирением и пощением вечное блаженство улучившии.

Радуйтеся, яко мзда ваша многа на Небесех есть.

Радуйтеся, яко радость ваша вечна во светлостех святых.

Радуйтеся, раби Христовы возлюбленнии.

Радуйтеся, святых всех приснии друзи.

Радуйтеся, звезды непрелестнии, путь супружескаго жития богоугоднаго верно указующии.

Радуйтеся, облацы росоноснии, зной страстей и нечестия прогоняющии.

Радуйтеся, Божиих милостей и щедрот нам податели.

Радуйтеся, отечества вашего украшение не отъемлемое.

Радуйтеся, святии и преславнии чудотворцы Петре и Февроние.

Икос 7

Новую благодать Божию во иночестем пострижении приемше, преподобнии, новыми подвигами украсисте равноангельное житие ваше и тако сугуб плод совершенства духовнаго Христу принесосте, и мзду преподобных достойне от Него восприясте. Поминая убо таковую ревность вашу к подвигом духовным, прославляем вас сими достодолжными похвалы:

Радуйтеся, яко любве ради Господа, мира сего княжение и славу остависте.

Радуйтеся, яко иноческое равноангельное житие усердно восприясте.

Радуйтеся, совершеннаго терпения подвижницы.

Радуйтеся, вольныя нищеты блаженнии стяжатели.

Радуйтеся, прежде кончины вашея вся страсти умертвившии воздержанием.

Радуйтеся, восприявшии святую схиму в броню спасения.

Радуйтеся, багряницу княжескую на власяницу иноческую пременившии.

Радуйтеся, постом, бдением и непрестанными молитвами Богу добре угодившии.

Радуйтеся, боголюбезнаго уединения взыскатели.

Радуйтеся, спасительнаго безмолвия любители.

Радуйтеся, слезами молитвенными орошаеми.

Радуйтеся, в сонме преподобных на Небеси прославленнии.

Радуйтеся, святии и преславнии чудотворцы Петре и Февроние.

Икос 8

Вси чудяхуся и славляху дивнаго во святых Своих Бога, егда святыя ваша телеса, в разных гробех положенная, чудесно обретошася лежаща в общей гробнице, юже уготовасте себе, преподобнии, в соборней церкви града Мурома, идеже и доныне неразлучно почиваете, чудотворцы святии, неоскудныя источающе исцеления всем, с верою прибегающим к вам и зовущим:

Радуйтеся, союз любве вашея до гроба и за гробом верно сохраншии.

Радуйтеся, не токмо в жизни, но и по смерти, о Господе соединеннии.

Радуйтеся, в супружестем благочестнем житии вам подражающим крепцыи помощницы.

Радуйтеся, теплотою любве вашея и нас согревающии.

Радуйтеся, смертию временною прешедшии к жизни вечней.

Радуйтеся, от Господа нетлением и чудесы прославленнии.

Радуйтеся, яко память ваша с похвалами и успение со святыми.

Радуйтеся, яко имена ваша честна суть и благословенна в отечестве вашем. Радуйтеся,

Российския страны удобрение благодатное.

Радуйтеся, града Мурома ограждение несокрушимое.

Радуйтеся, о любящих и чтущих вас небеснии предстатели.

Радуйтеся, приснопросящии нам у Господа дары благости Его.

Радуйтеся, святии и преславнии чудотворцы Петре и Февроние.

Икос 9

Ветийство человеческое не довлеет к достойному прославлению дивнаго жития вашего, святии чудотворцы Петре и Февроние; кто бо исповесть вся моления и пощения, болезни и труды ваша? кто изочтет вся слезы и воздыхания ваша яже к Богу? Обаче мы любовию к вам подвизаеми, дерзаем воспевати вам сия малыя и нехитростныя похвалы:

Радуйтеся, благодати Святаго Духа избраннии сосуди.

Радуйтеся, радости нам вечныя благоприятнии ходатаи.

Радуйтеся, богобоязненных супругов в благочестии утверждение.

Радуйтеся, нарушителей супружескаго целомудрия и согласия грозное обличение.

Радуйтеся, гнев Божий, праведно движимый на нас, молитвами вашими утоляющии.

Радуйтеся, о мире всего мира непрестанно Господа умоляющии.

Радуйтеся, на враги видимыя и невидимыя крепцыи нам споборницы.

Радуйтеся, ангелонравнии человецы.

Радуйтеся, преподобных и праведных сонаследницы.

Радуйтеся, Пресвятыя Троицы вернии угодницы.

Радуйтеся, блаженнии обитатели горняго града Иерусалима Небеснаго.

Радуйтеся, со святыми торжествующии в скиниях райских.

Радуйтеся, святии и преславнии чудотворцы Петре и Февроние.

Икос 11

Света небеснаго исполнен бе соборный храм града Мурома, егда благоволением Божиим святыя мощи ваша Петре и Февроние, целы и благоуханны обретошася в нем, и из недр земных, яко сокровище драгоценное, изнесены быша, идеже и до ныне почивают, исцеления неоскудныя источающе недужным и болящим. Сего ради песненно вопием к вам:

Радуйтеся, злато нетленное, в недрех земных обретенное.

Радуйтеся, бисери сияющии и благодатно просвещающии человеков.

Радуйтеся, святыя Православныя Церкве похвало.

Радуйтеся, ересей и расколов обличение.

Радуйтеся, свети умнии, зарею Святаго Духа облистающии.

Радуйтеся, мира благоухания Христова преисполненнии.

Радуйтеся, облеченнии в ризу в благодатного нетления.

Радуйтеся, препоясаннии силою многих чудес.

Радуйтеся, яко рака ваша честная врачебница явися недугом человеческим.

Радуйтеся, яко от нея всяк с верою приходяй дары целебныя приемлет.

Радуйтеся, светлостию чудес ваших мрак душ наших озаряющии.

Радуйтеся, нетлением святых мощей ваших зарю общаго всех воскресения нам показующии.

Радуйтеся, святии и преславнии чудотворцы Петре и Февроние.

Акафист по соглашению св. Петру и Февронии

Мир Вам, дорогие посетители православного сайта «Семья и Вера»!

Вы находитесь на странице сайта, посвященной Акафисту по соглашению святым благоверным князю Петру и княгине Февронии Муромский Чудотворцам, которым принято молиться —

О мире и любви в семье и о семейном благополучии.

Святая благоверная чета показала ярчайший пример любви и верности друг ко другу! Один лишь поступок князя Петра, которого заставили выбирать между княжеством и супругой-простолюдинкой. И князь остался верным своей супружнице Февронии, выбрав святой брак и бедную жизнь в изгнании. Впоследствии Господь наказал бунтовщиков и вернул св. Петру и Февронии Муромское княжество, а незабываемый пример верности святому браку озаряет наш собственный семейный путь и поныне!

Святые благоверные Петр и Феврония являются главными покровителями семьи. Им нужно молиться не только тогда, когда случаются семейные сложности, но и во дни счастливой семейной жизни.

Для принятия участия в акафисте по соглашению святым благоверным Петру и Февронии, Муромским Чудотворцам, читайте его вместе с нами по вторникам в 20:00 по московскому времени. Если же у Вас не получается прочесть акафист в указанное время, можно добавить его к вечернему молитвенному правилу.

ИМЕННАЯ МОЛИТВА ЗА ВАС – В ХРАМЕ!

Дорогие братья и сестры, для приумножения плодов молитвы, Вы можете передать записочку в Храм на Сорокоуст со своим именем (а также именами тех, за кого Вы молитесь). Священник, в течении сорока дней, будет возносить за Вас особые молитвы с выниманием частицы из просфоры.

Пожертвование за одно имя составляет 300 рублей. (Разрешается подавать имена только крещеных людей).

Пожертвование Вы можете легко перечислить по ниже размещенной форме:

Либо внести самостоятельно по реквизитам:

4276380091877204

+7(906)748–98–38

pozhertvovanie@list.ru

ПРЕДНАЧИНАТЕЛЬНЫЕ МОЛИТВЫ, ЧИТАЕМЫЕ ПЕРЕД АКАФИСТОМ

Молитва Святому Духу

Царю Небесный, Утешителю, Душе истины, Иже везде сый и вся исполняяй, Сокровище благих и жизни Подателю, прииди и вселися в ны, и очисти ны от всякия скверны, и спаси, Блаже, души наша.

Трисвятое

Святый Боже, Святый Крепкий, Святый Безсмертный, помилуй нас. (Читается трижды, с крестным знамением и поясным поклоном.)

Слава Отцу и Сыну и Святому Духу, и ныне и присно и во веки веков. Аминь.

Молитва ко Пресвятой Троице

Пресвятая Троице, помилуй нас; Господи, очисти грехи наша; Владыко, прости беззакония наша; Святый, посети и исцели немощи наша, имене Твоего ради.
Господи, помилуй. (Трижды).
Слава Отцу и Сыну и Святому Духу, и ныне и присно и во веки веков. Аминь.

Молитва Господня

Отче наш, Иже еси на небесех! Да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго.

АКАФИСТ БЛАГОВЕРНОМУ КНЯЗЮ ПЕТРУ И КНЯГИНЕ ФЕВРОНИИ

. .

Кондак 1

Избраннии чудотворцы и велиции угодницы Господни, града Мурома заступницы и приснии о душах наших молитвенницы, святии благовернии княже Петре и княгине Февроние! Пение похвальное вам приносяще, молим вы усердно: яко имущии дерзновение ко Господу, предстательством вашим от всяких бед нас свободите, и наследники Царствия Небеснаго нас соделайте, да зовем вам радостно:
Радуйтеся, святии и преславнии чудотворцы Петре и Февроние.

Икос 1

Ангели земнии и человецы небеснии воистинну явистеся, блаженнии Петре и Февроние, от юности вашея чистую совесть имущии и добре во благочестии и чистоте вкупе пожившии, нам же оставльшии в пример подражания житие ваше богоугодное, емуже чудящеся и чудесы вашими озаряеми, зовем вам гласы хвалебными сице:
Радуйтеся, от юности вашея Христа возлюбившии и Тому от души поработавшии; радуйтеся, целомудрия хранители и душевныя и телесныя чистоты рачители. Радуйтеся, души ваша и телеса на земли в обиталище Духа Святаго уготовившии; радуйтеся, исполненнии премудрости и разума Божественнаго. Радуйтеся, яко во плоти, яко безплотни, вкупе пожисте; радуйтеся, яко равноангельную честь достойне приясте. Радуйтеся, яко от земли на Небо преидосте и тамо со Ангелы Троице предстоите; радуйтеся, яко со безплотными лики трисвятую песнь Ей воспеваете. Радуйтеся, на Небеси и на земли от Господа прославленнии; радуйтеся, обретшии вечное всесветлое место упокоения. Радуйтеся, града Мурома сокровище пребогатое; радуйтеся, источницы неистощимии чудес.
Радуйтеся, святии и преславнии чудотворцы Петре и Февроние.

Кондак 2

Видев князь Петр в возвратной болезни своей, знамение гнева Божия, за неисполнение обета своего, пояти в супруги себе премудрую Февронию, потщася сие исполнити и сочетася с нею браком законным. Обаче и в супружестве целомудренно и богоугодно пожисте, блаженнии, имуще едину мысль во двою телу, еже благоугождати Богу; темже выну поете Ему ныне со Ангелы песнь: Аллилуиа.

Икос 2

Разумом богопросвещенным свыше одареннии, Петре и Февроние святии, любовь и милосердие к бедным и сирым явисте, обидимым и безпомощным заступницы бысте и иными добродетельми многими украсисте княжение свое земное. Сего ради вопием к вам сице:
Радуйтеся, блаженнии и треблаженнии, в боголюбии пожившии и благоверие сохраншии; радуйтеся, милости и сострадания преисполненнии. Радуйтеся, безпомощных скории помощницы; радуйтеся, печальных блазии утешители. Радуйтеся, сирот и вдовиц кормители; радуйтеся, сущих в бедах предстатели. Радуйтеся, болезней душевных и телесных искуснии целители; радуйтеся, скорбных сердец радостотворнии посетители. Радуйтеся, любовь вашу к Богу, любовию к ближним своим показавшии; радуйтеся, княжение ваше земное праведно и богоугодно содержавшии. Радуйтеся, князей православных похвало и града Мурома утверждение; радуйтеся, всея земли Российская заступление.
Радуйтеся, святии и преславнии чудотворцы Петре и Февроние.

Кондак 3

Силою благодати Божия укрепляем, блаженне княже Петре, восхотел еси паче оставити град отечества твоего и княжение Муромское, неже бракоразвестися с премудрою Феврониею по настоянию гордых боляр твоих. Сего ради Бог тя прослави и сотвори, да теми же боляры возвращенный вкупе с супружницею твоею, на престоле княжения Муромскаго паки утвердился еси, нам же пример хранения закона Божия показуеши подвигом твоим, да подражая тебе в святости хранения союза брачнаго, воспеваем подвигоположнику Христу: Аллилуиа.

Икос 3

Имуще попечение о людех своих, преблаженнии Петре и Февроние, неусыпно подвизастеся ко благу их, благочестие насаждая, нечестие искореняя и вражду умиротворяя. Темже и Господь, видя таковыя подвиги ваша, землю Муромскую плодоносием благослови и мир глубок княжению вашему дарова, подвизая люди ваша благодарственно воспевати вам сице:
Радуйтеся, угодницы Божии, житию великих святых сопричастницы; радуйтеся, правителие предобрии, люди Муромския ко спасению путеводившии. Радуйтеся, христианскаго благочестия блюстители; радуйтеся, нестроения, раздоров и всякаго нечестия искоренители. Радуйтеся, супругов христиан ко благочестному житию наставницы; радуйтеся, целомудрия и воздержания супружескаго образи преизящнии. Радуйтеся, праведнаго суда рачители; радуйтеся, немздоимства и безкорыстия ревнители. Радуйтеся, святых царей Константина и Елены добродетелей стяжатели; радуйтеся, равноапостольнаго князя Владимира и блаженныя княгини Ольги достойнии преемницы. Радуйтеся, двоице пречестная и благое сочетание, лучами чудес немерцаемо сияющии; радуйтеся, отечества вашего пресветлии светильницы.
Радуйтеся, святии и преславнии чудотворцы Петре и Февроние.

Кондак 4

Буря скорбей и напастей, воздвизаемая злобою мира сего, не ослаби крепкия любве вашея яже к Богу, Петре и Февроние блаженнии, но паче научи вас благоискусно отражати разжженныя стрелы искушений диавольских: вы бо оболкшеся в броню веры Христовы, в мире глубоце преидосте многомятежную пучину житейскаго моря, и достигосте в тихую пристань спасения, к нейже и нас молитвами вашими приведите, да вкупе с вами поем Богу: Аллилуиа.

Икос 4

Слышавше ближнии и дальнии благочестное житие ваше, благовернии Петре и Февроние, прославляху человеколюбца Бога, даровавшаго вам крепость на вся дела благая, имиже яко лучами пресветлыми, просиясте в отечестве вашем, идеже и доныне имена ваша честны, и подвиги ваша воспеваются похвалами сими:
Радуйтеся, двоице пресветлая, Богом совокупленная; радуйтеся, светом благочестнаго жития вашего, яко светила богосветлыя, просиявшии. Радуйтеся, милостынею и молитвами Небесное Царствие стяжавшии; радуйтеся, смирением и пощением вечное блаженство улучившии. Радуйтеся, яко мзда ваша многа на Небесех есть; радуйтеся, яко радость ваша вечна во светлостех святых. Радуйтеся, раби Христовы возлюбленнии; радуйтеся, святых всех приснии друзи. Радуйтеся, звезды непрелестнии, путь супружескаго жития богоугоднаго верно указующии; радуйтеся, облацы росоноснии, зной страстей и нечестия прогоняющии. Радуйтеся, Божиих милостей и щедрот нам податели; радуйтеся, Отечества вашего украшение неотъемлемое.
Радуйтеся, святии и преславнии чудотворцы Петре и Февроние.

Кондак 5

Богопросвещеннии светильницы благочестия и предивнии чудотворцы Петре и Февроние, Бога от всея души возлюбивше, вся заповеди Его сохранисте; темже и Христос, яко солнце и луну пресветлыя, показа вас, преблаженнии, чудес многих зарею озаряющия область Муромскую и всю страну Российскую, прославив нетлением святыя и многоцелебныя мощи ваша, к нимже припадающе, по достоянию ублажаем вас и выну благодарственно поем дивному во святых Своих Богу: Аллилуиа.

Икос 5

Видевше житие ваше праведное и щедроты ваша, людие Муромстии славляху вас, своих правителей милостивых, благовернии Петре и Февроние, вы же смирение истинное возлюбивше и похвалы человеческия небрегше, гордынею неуязвлени пребысте и тем показасте нам образ высшаго смирения, емуже поучаяся, с любовию вопием вам таковая:
Радуйтеся, славу человечу нивочтоже вменившии; радуйтеся, смирение Христово усердно возлюбившии. Радуйтеся, заповедей Господних вернии исполнители; радуйтеся, учения Евангельскаго истиннии последователи. Радуйтеся, раби Бога Вышняго, волю Его сотворшии; радуйтеся, веру Христову до конца соблюдшии. Радуйтеся, христоименитым людем благочестия учители; радуйтеся, хотящих богоугодно жити богомудрии наставницы. Радуйтеся, молитвами вашими спасающии нас от всяких бед; радуйтеся, вся благая прошения наша исполняющии. Радуйтеся, в недузех страждущих благодатнии врачеве; радуйтеся, милостивии страны Муромския покровителие.
Радуйтеся, святии и преславнии чудотворцы Петре и Февроние.

Кондак 6

Проповедницы веры православныя и ревнители благочестия не словом токмо, но всем житием своим бысте во граде Муроме, прехвальнии Петре и Февроние; темже и Святая Церковь достойно почитает подвиги и труды ваша, имиже трудистеся во славу Бога Вышняго, немолчно воспевая Ему: Аллилуиа.

Икос 6

Возсиясте во граде Муроме светом добродетельнаго жития вашего, яко звезды богосветлыя, преблаженнии Петре и Февроние, и память ваша в нем с похвалами до днесь, яко и по смерти своей не престаете озаряти нас, многи чудесы совершающе и теми светлую зарю безсмертия нам от мощей ваших возсиявающе, да ублажаем вас благохвалении сицевыми:
Радуйтеся, чина и уставов Святыя Церкве вернии хранители; радуйтеся, служителей олтаря Господня благоговейнии почитатели. Радуйтеся, благих обычаев и преданий святоотеческих ревнители; радуйтеся, обычаев злых и суемудрий языческих искоренители. Радуйтеся, суды нелицеприятны людем вашим творившии; радуйтеся, суды ваша с милостию соединившии. Радуйтеся, кротцыи и незлобивии последователи Христовы; радуйтеся, злобу добром препобеждавшии. Радуйтеся, нетления благоухающии цветы; радуйтеся, безсмертия немерцающии лучи. Радуйтеся, на земли величием чудес блистающии; радуйтеся, на Небеси со Ангелы Бога славящии.
Радуйтеся, святии и преславнии чудотворцы Петре и Февроние.

Кондак 7

Хотяй Человеколюбец Господь явити в житии вашем, Петре и Февроние, образ назидания не токмо людем мирским, но и ликом иноческим, внуши вам в старости маститей оставити славу княжения земнаго, и восприяти образ иноческий, в немже подвизастеся добре постом, бдением и молитвою, воспевая непрестанно Триединому Богу ангельскую песнь: Аллилуиа.

Икос 7

Новую благодать Божию во иночестем пострижении приемше, преподобнии, новыми подвигами украсисте равноангельное житие ваше и тако сугуб плод совершенства духовнаго Христу принесосте, и мзду преподобных достойне от Него восприясте. Поминая убо таковую ревность вашу к подвигом духовным, прославляем вас сими достодолжными похвалы:
Радуйтеся, яко любве ради Господа, мира сего княжение и славу остависте; радуйтеся, яко иноческое равноангельное житие усердно восприясте. Радуйтеся, совершеннаго терпения подвижницы; радуйтеся, вольныя нищеты блаженнии стяжатели. Радуйтеся, прежде кончины вашея вся страсти умертвившии воздержанием; радуйтеся, восприявшии святую схиму в броню спасения. Радуйтеся, багряницу княжескую на власяницу иноческую пременившии; радуйтеся, постом, бдением и непрестанными молитвами Богу добре угодившии. Радуйтеся, боголюбезнаго уединения взыскатели; радуйтеся, спасительнаго безмолвия любители. Радуйтеся, слезами молитвенными орошаеми; радуйтеся, в сонме преподобных на Небеси прославленнии.
Радуйтеся, святии и преславнии чудотворцы Петре и Февроние.

Кондак 8

Странное и дивное бе чудо, егда ты, блаженне Петре, на кончине живота твоего, прошения ради супружницы твоея, святыя Февронии, исходом своим умедлил еси, дондеже сконча она пелену церковную, ею сшиваему и вкупе с тобою к исходу смертному приспе; и тако неразлучнии в житии, неразлучни и в кончине явистеся, и во един день и час святыя души своя в руце Божии предасте, зовуще присно живыми и мертвыми обладающему Владыце Богу: Аллилуиа.

Икос 8

Вси чудяхуся и славляху дивнаго во святых Своих Бога, егда святыя ваша телеса, в разных гробех положенная, чудесно обретошася лежаща в общей гробнице, юже уготовасте себе, преподобнии, в соборней церкви града Мурома, идеже и доныне неразлучно почиваете, чудотворцы святии, неоскудная источающе исцеления всем, с верою прибегающим к вам и зовущим:
Радуйтеся, союз любве вашея до гроба и за гробом верно сохраншии; радуйтеся, не токмо в жизни, но и по смерти, о Господе соединеннии. Радуйтеся, в супружестем благочестнем житии вам подражающим крепцыи помощницы; радуйтеся, теплотою любве вашея и нас согревающии. Радуйтеся, смертию временною прешедшии к жизни вечней; радуйтеся, от Господа нетлением и чудесы прославленнии. Радуйтеся, яко память ваша с похвалами и успение со святыми; радуйтеся, яко имена ваша честны суть и благословенны в отечестве вашем. Радуйтеся, Российския страны удобрение благодатное; радуйтеся, града Мурома ограждение несокрушимое. Радуйтеся, о любящих и чтущих вас небеснии предстатели; радуйтеся, приснопросящии нам у Господа дары благости Его.
Радуйтеся, святии и преславнии чудотворцы Петре и Февроние.

Кондак 9

Вси Ангели и святых лики радовахуся радостию велию, егда святыя души ваша достигоша вечнаго в обителех райских селения, и Сам Творец Ангелов и Святейший святых Царь Славы Христос, безсмертия венцы увенча вас и дарова вам благодать молитися Ему со дерзновением многим о всех ищущих вашего заступления, егоже не лишите и нас грешных, Петре и Февроние достохвальнии, смиренномудренно воспевающих прославльшему вас Богу хвалебную песнь: Аллилуиа.

Икос 9

Ветийство человеческое не довлеет к достойному прославлению дивнаго жития вашего, святии чудотворцы Петре и Февроние; кто бо исповесть вся моления и пощения, болезни и труды ваша; кто изочтет вся слезы и воздыхания ваша яже к Богу. Обаче мы, любовию к вам подвизаеми, дерзаем воспевати вам сия малыя и нехитростныя похвалы:
Радуйтеся, благодати Святаго Духа избраннии сосуди; радуйтеся, радости нам вечныя благоприятнии ходатаи. Радуйтеся, богобоязненных супругов в благочестии утверждение; радуйтеся, нарушителей супружескаго целомудрия и согласия грозное обличение. Радуйтеся, гнев Божий, праведно движимый на нас, молитвами вашими утоляющии; радуйтеся, о мире всего мира непрестанно Господа умоляющии. Радуйтеся, на враги видимыя и невидимыя крепцыи нам споборницы; радуйтеся, ангелонравнии человецы. Радуйтеся, преподобных и праведных сонаследницы; радуйтеся, Пресвятыя Троицы вернии угодницы. Радуйтеся, блаженнии обитатели града Иерусалима Небеснаго; радуйтеся, со святыми торжествующии в скиниях райских.
Радуйтеся, святии и преславнии чудотворцы Петре и Февроние.

Кондак 10

Спасение вечное унаследовавше богоблаженнии Петре и Февроние, душами вашими в обителех горних неразлучно в Бозе пребываете, святыми же мощами вашими в храме Божием нетленно вкупе почиваете, и обильныя исцеления источаете, да чудесы вашими благодатно озаряеми, хвалебно взываем Верховному Творцу чудес Богу: Аллилуиа.

Икос 10

Стену заступления, благоприятныя молитвы ваша к Богу, обретше, святии чудотворцы Петре и Февроние, благодарение Отцу Небесному усердно возсылаем за вся благодеяния Его, вами всем нам обильно являемыя, вам же, предстателям нашим, сицевое приносим пение:
Радуйтеся, всесветлаго Царствия Христова наследницы; радуйтеся, ангельских ликов собеседницы. Радуйтеся, Бога во славе неприступней созерцающии; радуйтеся, Трисияннаго Божества таинницы. Радуйтеся, со святыми на Небеси вечно царствующии; радуйтеся, от горних высот к земнородным милостивно приникающии. Радуйтеся, крини благоуханнии небеснаго прозябения; радуйтеся, кипариси чудоточнии рая Иисусова. Радуйтеся, податели независтнии безмезднаго врачевания; радуйтеся, совершители достохвальнии многих чудес. Радуйтеся, благодеяний множество нам источающии; радуйтеся, милостию сострадания вашего всех объемлющии.
Радуйтеся, святии и преславнии чудотворцы Петре и Февроние.

Кондак 11

Пение молебное приносим вам, угодницы Божии Петре и Февроние, и с любовию припадаем к раце святых и многоцелебных мощей ваших, прославляя житие ваше богоугодное и подвиги многи. Молимся вам усердно, чудотворцы святии, помозите нам подражати вашим добродетелем, да возможем богоугодно пети Создателю нашему: Аллилуиа.

Икос 11

Света небеснаго исполнен бе соборный храм града Мурома, егда благоволением Божиим святыя мощи ваша, Петре и Февроние, целы и благоуханны обретошася в нем, и из недр земных, яко сокровище драгоценное, изнесены быша, идеже и до ныне почивают, исцеления неоскудныя источающе недужным и болящим. Сего ради песненно вопием к вам:
Радуйтеся, злато нетленное, в недрех земных обретенное; радуйтеся, бисери сияющии и благодатно просвещающии человеков. Радуйтеся, Святыя Православныя Церкве похвало; радуйтеся, ересей и расколов обличение. Радуйтеся, свети умнии, зарею Святаго Духа облистающии; радуйтеся, мира благоухания Христова преисполненнии. Радуйтеся, облеченнии в ризу в благодатного нетления; радуйтеся, препоясаннии силою многих чудес. Радуйтеся, яко рака ваша честная врачебница явися недугом человеческим; радуйтеся, яко от нея всяк с верою приходяй дары целебныя приемлет. Радуйтеся, светлостию чудес ваших мрак душ наших озаряющии; радуйтеся, нетлением святых мощей ваших зарю общаго всех воскресения нам показующии.
Радуйтеся, святии и преславнии чудотворцы Петре и Февроние.

Кондак 12

Благодать свыше вам дарованную, познавше, святии чудотворцы Петре и Февроние, с благоговением и любовию покланяемся нетленным и многоцелебным мощем вашим и от них приемлем в недузех исцеление, в скорбех утешение, в бедах благодатную помощь; темже и прославляем вас по достоянию, небесных предстателей и заступников наших, воспевая хвалы и благодарения вами благотворящему нам Владыце Богу: Аллилуиа.

Икос 12

Поюще многая и преславная ваша чудеса, велиции угодницы Божии Петре и Февроние, ублажаем вас, яко целителей, утешителей и помощников от Господа нам дарованных, и молитвенно торжествуем святую память вашу, от любве сердечныя воспевая вам благодарственно и хвалебно:
Радуйтеся, во благоухании святыни нетленно почивающии; радуйтеся, с верою приходящих к раце мощей ваших благодатно освящающии. Радуйтеся, призывающих молитвенно честная имена ваша скории услышатели; радуйтеся, упование на вас по Бозе возлагающих дивнии помощницы. Радуйтеся, известнии умилостивители Царя Небеснаго; радуйтеся, сильнии защитницы наши от врагов невидимых. Радуйтеся, приснии всем нам ходатаи спасения; радуйтеся, неотступнии хранители града Мурома. Радуйтеся, князей российских пречудная доброто; радуйтеся, отечества вашего Богом дарованнии покровители. Радуйтеся, телес наших благодатнии целебницы; радуйтеся, о душах наших усерднии ко Господу молитвенницы.
Радуйтеся, святии и преславнии чудотворцы Петре и Февроние.

Кондак 13
(читается трижды)

О святии и преславнии чудотворцы, благовернии княже Петре и княгине Февроние! Приимите милостивно сие похвальное пение от нас недостойных во умилении вам приносимое, и вашим предстательством у Господа испросите нам утверждение в вере и добрых делех, и избавление от всех скорбей и болезней временных и вечных, да сподобимся вкупе с вами и всеми святыми во Царствии Небеснем пети Пресвятей Троице вечно хвалебную песнь: Аллилуиа.

Икос 1
(читается повторно)

Ангели земнии и человецы небеснии воистинну явистеся, блаженнии Петре и Февроние, от юности вашея чистую совесть имущии и добре во благочестии и чистоте вкупе пожившии, нам же оставльшии в пример подражания житие ваше богоугодное, емуже чудящеся и чудесы вашими озаряеми, зовем вам гласы хвалебными сице:
Радуйтеся, от юности вашея Христа возлюбившии и Тому от души поработавшии; радуйтеся, целомудрия хранители и душевныя и телесныя чистоты рачители. Радуйтеся, души ваша и телеса на земли в обиталище Духа Святаго уготовившии; радуйтеся, исполненнии премудрости и разума Божественнаго. Радуйтеся, яко во плоти, яко безплотни, вкупе пожисте; радуйтеся, яко равноангельную честь достойне приясте. Радуйтеся, яко от земли на Небо преидосте и тамо со Ангелы Троице предстоите; радуйтеся, яко со безплотными лики трисвятую песнь Ей воспеваете. Радуйтеся, на Небеси и на земли от Господа прославленнии; радуйтеся, обретшии вечное всесветлое место упокоения. Радуйтеся, града Мурома сокровище пребогатое; радуйтеся, источницы неистощимии чудес.
Радуйтеся, святии и преславнии чудотворцы Петре и Февроние.

Кондак 1
(также читается повторно)

Избраннии чудотворцы и велиции угодницы Господни, града Мурома заступницы и приснии о душах наших молитвенницы, святии благовернии княже Петре и княгине Февроние! Пение похвальное вам приносяще, молим вы усердно: яко имущии дерзновение ко Господу, предстательством вашим от всяких бед нас свободите, и наследники Царствия Небеснаго нас соделайте, да зовем вам радостно:
Радуйтеся, святии и преславнии чудотворцы Петре и Февроние.

Молитва благоверным Петру и Февронии Муромским

О велиции угодницы Божии и предивнии чудотворцы, благовернии княже Петре и княгине Февроние, града Мурома предстатели и хранители, и о всех нас усерднии ко Господу молитвенницы! К вам прибегаем и вам молимся с упованием крепким: принесите за нас грешных святыя молитвы ваша ко Господу Богу и испросите нам у благости Его вся благопотребная душам и телесем нашим: веру праву, надежду благу, любовь нелицемерну, благочестие непоколебимое, в добрых делех преуспеяние, мира умирение, земли плодоносие, воздуха благорастворение, душам и телесем здравие и вечное спасение. Исходатайствуйте у Царя Небеснаго державе Российстей мир, тишину и благоустроение, и всем нам житие благополучное и добрую христианскую кончину. Оградите отечество ваше, град Муром, и вся грады Российския от всякаго зла и вся правоверныя люди, к вам приходящия и мощем покланяющияся, осените благодатным действом благоприятных молитв ваших, и вся прошения их во благо исполните. Ей, чудотворцы святии! Не презрите молитв наших, со умилением вам возносимых, но будите о нас приснии предстатели ко Господу и сподобите нас помощию вашею святою спасение вечное получити и Царствие Небесное унаследовати, да славословим неизреченное человеколюбие Отца, и Сына, и Святаго Духа, в Троице покланяемаго Бога, во веки веков. Аминь.

Молитва по соглашению

Господи Иисусе Христе, Сыне Божий, Ты сказал пречистыми устами Твоими: «Истинно говор
ю вам, что если двое из вас согласятся на земле просить о всяком деле, то, чего бы ни просили, будет им от Отца Моего Небесного, ибо, где двое или трое собраны во имя Мое, там Я посреди них». Непреложны словеса Твои, Господи, милосердие Твое бесприкладно и человеколюбию Твоему нет конца. Сего ради молим Тебя: даруй нам, рабам Твоим: (ваши имена), и всем тем, кто возносит сейчас с нами соборную молитву, имена Ты их Господи знаешь Сам, согласившимся просить Тебя: (прошение) — молим Тебя об исполнении нашего прошения. Но да будет не так, как мы хотим, но как Ты, Господи — да будет во веки воля Твоя. Аминь.

Достойно есть

Достойно есть яко воистинну блажити Тя, Богородицу, Присноблаженную и Пренепорочную и Матерь Бога нашего. Честнейшую Херувим и славнейшую без сравнения Серафим, без истления Бога Слова родшую, сущую Богородицу Тя величаем.

Да исполнит Господь наши просьбы, молитвами и предстательством святых благоверных князя Петра и княгини Февронии, во благо спасения нашей бессмертной души!

Молитва по соглашению — О семейном благополучии >>

НА РУБРИКУ – АКАФИСТЫ ПО СОГЛАШЕНИЮ >>

Если вы нашли ошибку, пожалуйста, выделите фрагмент текста и нажмите Ctrl+Enter.

Избра́ннии чудотво́рцы и вели́цыи уго́дницы Госпо́дни, гра́­да Му́рома засту́пницы и при́снии о ду­ша́х на́­ших моли́твенницы, святи́и бла­го­ве́р­нии кня́же Пе́тре и княги́не Февро́ние! Пе́­ние похва́льное вам при­но­ся́­ще, мо́­лим вы усе́рд­но: я́ко иму́щии дерз­но­ве́­ние ко Го́с­по­ду, пред­ста́­тель­ством ва́шим от вся́­ких бед нас свободи́те, и на­сле́д­ни­ки Ца́рст­вия Не­бе́с­на­го нас соде́лайте, да зо­ве́м вам ра́­дост­но: Ра́дуйтеся, святи́и и пресла́внии чудотво́рцы Пе́тре и Февро́ние.

А́нгели земни́и и челове́цы небе́снии во­и́с­тин­ну яви́стеся, блаже́ннии Пе́тре и Февро́ние, от ю́нос­ти ва́шея чи́стую со́­весть иму́щии к Бо́­гу, и до́б­ре во бла­го­че́с­тии и чис­то­те́ вку́­пе пожи́вшии, нам же оста́вльшии в приме́р подража́ния жи­тие́ ва́ше бо­го­угод­ное, ему́­же чудя́­щеся и чу­де­сы́ ва́шими оза­ря́е­ми, зо­ве́м вам гла́сы хвале́бными си́­це: Ра́дуйтеся, от ю́нос­ти ва́шея Хри­ста́ возлюби́вшии и Тому́ от ду­ши́ порабо́тавшии; ра́дуйтеся, це­ло­му́д­рия храни́тели и ду­ше́в­ныя и те­ле́с­ныя чис­то­ты́ рачи́тели. Ра́дуйтеся, ду́­ши ва́ша и телеса́ на зем­ли́ в обита́лище Ду́­ха Свя­та́­го угото́вившии; ра́дуйтеся, ис­по́л­нен­нии пре­му́д­ро­сти и ра́­зу­ма бо­же́ст­вен­на­го. Ра́дуйтеся, я́ко во пло́­ти, я́ко безпло́тни, вку́­пе пожи́сте; ра́дуйтеся, я́ко равноа́нгельную честь досто́йне прия́сте. Ра́дуйтеся, я́ко от зем­ли́ на Не́­бо преидо́сте и та́­мо со А́н­ге­лы Тро́­ице предстои́те; ра́дуйтеся, я́ко со безпло́тными ли́ки трисвяту́ю песнь Ей воспева́ете. Ра́дуйтеся, на Не­бе­си́ и на зем­ли́ от Го́с­по­да просла́вленнии; ра́дуйтеся, обре́тшии ве́чное всесве́тлое ме́сто упокое́ния. Ра́дуйтеся, гра́­да Му́рома со­кро́­ви­ща пребога́тая; ра́дуйтеся, исто́чницы неистощи́мии чу­де́с. Ра́дуйтеся, святи́и и пресла́внии чудотво́рцы Пе́тре и Февро́ние.

Ви́­дев князь Петр в возвра́тной бо­ле́з­ни свое́й, зна́­ме­ние гне­ва Бо́­жия, за неисполне́ние обе́та сво­его́, поя́ти в супру́ги се­бе́ прему́друю Февро́нию, потща́ся сие́ испо́лнити и сочета́ся с не́ю бра́ком зако́нным. Оба́­че и в супру́жестве целому́дренно и богоуго́дно пожи́сте, блаже́ннии, иму́ще еди́ну мысль во двою́ те́­лу, е́же благоугожда́ти Бо́­гу; те́м­же вы́­ну пое́те Ему́ ны́­не со А́н­ге­лы песнь: Алли­лу́иа.

Ра́­зу­мом богопросвеще́нным свы́­ше одаре́ннии, Пе́тре и Февро́ние святи́и, лю­бо́вь и ми­ло­се́р­дие к бе́дным и си́­рым яви́сте, оби́димым и безпомо́щным засту́пницы бы́сте, и ины́ми доброде́тельми мно́­ги­ми украси́сте княже́ние свое́ земно́е. Се­го́ ра́­ди во­пи­е́м к вам си́­це: Ра́дуйтеся, блаже́ннии и треблаже́ннии, в боголю́бии пожи́вшии и благове́рие сохра́ншии; ра́дуйтеся, ми́­лос­ти и со­стра­да́­ния преиспо́лненнии. Ра́дуйтеся, без­по­мо́щ­ных ско́рии помо́щницы; ра́дуйтеся, пе­ча́ль­ных блази́и уте́шители. Ра́дуйтеся, си­ро́т и вдо­ви́ц корми́тели; ра́дуйтеся, су́­щих в бе­да́х предста́тели. Ра́дуйтеся, бо­ле́з­ней ду­ше́в­ных и те­ле́с­ных иску́снии цели́тели; ра́дуйтеся, ско́рб­ных сер­де́ц радостотво́рнии посети́тели. Ра́дуйтеся, лю­бо́вь ва́шу к Бо́­гу, лю­бо́­вию к бли́жним сво­и́м показа́вшии; ра́дуйтеся, княже́ние ва́ше земно́е пра́ведно и богоуго́дно содержа́вшии. Ра́дуйтеся, кня­зей пра­во­сла́в­ных по­хва­ло́ и гра́­да Му́рома утвер­жде́­ние; ра́дуйтеся, всея́ зем­ли́ Росси́йская за­ступ­ле́­ние. Ра́дуйтеся, святи́и и пресла́внии чудотво́рцы Пе́тре и Февро́ние.

Си́­лою бла­го­да́­ти Бо́­жия укрепля́емь, блаже́нне кня́же Пе́тре, восхоте́л еси́ па́­че оста́вити град оте́чества тво­его́ и княже́ние Му́ромское, не́­же бракоразвести́ся с прему́дрою Февро́ниею по настоя́нию го́рдых боля́р тво­и́х. Се­го́ ра́­ди Бог тя просла́ви и со­тво­ри́, да те́миже боля́ры возвраще́нный вку́­пе с супру́жницею твое́ю, на престо́ле княже́ния Му́ромскаго па́­ки утверди́лся еси́, нам же приме́р хране́ния зако́на Бо́­жия показу́еши по́двигом тво­и́м, да подража́юще те­бе́ в свя́тости хране́ния соу́за бра́чнаго, вос­пе­ва́­ем подвигополо́жнику Хри­сту́: Алли­лу́иа.

Иму́ще попече́ние о лю́­дех сво­и́х, преблаже́ннии Пе́тре и Февро́ние, неусы́пно подвиза́стеся ко бла́гу их, бла­го­че́с­тие насажда́я, не­че́с­тие искореня́я и вражду́ умиротворя́я. Те́м­же и Гос­по́дь, ви́­дя та­ко­вы́я по́д­ви­ги ва́ша, зе́м­лю Му́ромскую плодоно́сием благослови́ и мир глубо́к княже́нию ва́шему да­ро­ва́, под­ви­зая лю́­ди ва́ша бла­го­да́р­ствен­но вос­пе­ва́­ти вам си́­це: Ра́дуйтеся, уго́дницы Бо́жии, жи­тию ве­ли́­ких свя­ты́х соприча́стницы; ра́дуйтеся, прави́телие предо́брии, лю́­ди му́ромския ко спа­се́­нию путеводи́вшии. Ра́дуйтеся, хри­сти­а́н­ска­го бла­го­че́с­тия блюсти́тели; ра́дуйтеся, нестрое́ния, раздо́ров и вся́­ка­го не­че́с­тия искорени́тели. Ра́дуйтеся, супру́гов хри­сти­а́н ко благоче́стному жи­тию наста́вницы; ра́дуйтеся, це­ло­му́д­рия и воз­дер­жа́­ния супру́жеская о́брази преизя́щнии. Ра́дуйтеся, пра­вед­на­го суда́ рачи́тели; ра́дуйтеся, немздои́мства и безкоры́стия ревни́тели. Ра́дуйтеся, свя­ты́х ца­ре́й Константи́на и Еле́ны доб­ро­де́­те­лей стяжа́тели; ра́дуйтеся, равноапо́стольнаго кня́зя Влади́мира и блаже́нныя княги́ни О́льги досто́йнии прее́мницы. Ра́дуйтеся, дво́ице пречестна́я и благо́е сочета́ние, лу­ча́­ми чу­де́с немерца́емо сия́ющии; ра́дуйтеся, оте́чества ва́шего пресве́тлии свети́льницы. Ра́дуйтеся, святи́и и пресла́внии чудотво́рцы Пе́тре и Февро́ние.

Бу́ря скор­бе́й и на­па́с­тей, воздвиза́емая зло́бою ми́­ра се­го́, не осла́би кре́п­кую люб­ве́ ва́шея я́же к Бо́­гу, Пе́тре и Февро́ние блаже́ннии, но па́­че нау­чи́ вас благоиску́сно отража́ти разжже́нныя стре́лы ис­ку­ше́­ний диа́­воль­ских: вы бо обо́лкшеся в броню́ ве́­ры Хри­сто́­вы, в ми́­ре глу­бо́­це преидо́сте многомяте́жную пучи́ну жите́йскаго мо́ря, и достиго́сте в ти́хую при́стань спа­се́­ния, к ней­же и нас мо­ли́т­ва­ми ва́шими приведи́те, да вку́­пе с ва́ми по­е́м Бо́­гу: Алли­лу́иа.

Слы́­шав­ше бли́жнии и да́льнии благоче́стное жи­тие́ ва́ше, бла­го­ве́р­нии Пе́тре и Февро́ние, про­сла­вля́­ху человеколю́бца Бо́­га, да­ро­ва́в­ша­го вам кре́­пость на вся де́ла бла­га́я, и́ми­же я́ко лу­ча́­ми пресве́тлыми, просия́ете в оте́­чест­ве ва́шем, иде́­же и доны́не име­на́ ва́ша че́стны, и по́д­ви­ги ва́ша воспева́ются похвала́ми си́­ми: Ра́дуйтеся, дво́ице пре­све́т­лая, Бо́­гом совокупле́нная; ра́дуйтеся, све́­том благоче́стнаго жи­тия́ ва́шего, я́ко свети́ла богосве́тлая, просия́вшии. Ра́дуйтеся, ми́лостынею и мо­ли́т­ва­ми Не­бе́с­ное Ца́рст­вие стяжа́вшии; ра́дуйтеся, смире́нием и поще́нием ве́чное бла­же́н­ство улучи́вшии. Ра́дуйтеся, я́ко мзда ва́ша мно́га на Небесе́х есть; ра́дуйтеся, я́ко ра́­дость ва́ша ве́чна во све́т­лос­тех свя­ты́х. Ра́дуйтеся, раби́ Хри­сто́­вы возлю́бленнии; ра́дуйтеся, свя­ты́х всех при́снии дру́зи. Ра́дуйтеся, зве́зды непреле́стнии, путь супру́жескаго жи­тия́ богоуго́днаго ве́р­но указу́ющии; ра́дуйтеся, о́блацы росоно́снии, зной страс­те́й и не­че́с­тия прогоня́ющии. Ра́дуйтеся, Бо́­жи­их ми́­лос­тей и щед­ро́т нам пода́тели; ра́дуйтеся, оте́чества ва́шего укра­ше́­ние неотъе́млемое. Ра́дуйтеся, святи́и и пресла́внии чудотво́рцы Пе́тре и Февро́ние.

Богопросвеще́ннии свети́льницы бла­го­че́с­тия и преди́внии чудотво́рцы Пе́тре и Февро́ние, Бо́­га от всея́ души́ возлюби́вше, вся за́поведи Его́ сохрани́сте; те́м­же и Хрис­то́с, я́ко со́лн­це и луну́ пресве́тлыя, по­ка­за́ вас, преблаже́ннии, чу­де́с мно́гих за­ре́ю озаря́ющия о́бласть Му́ромскую и всю стра­ну́ Рос­си́й­скую, просла́вив не­тле́­ни­ем свя­ты́я и многоцеле́бныя мо́­щи ва́ша, к ни́мже при­па́­даю­ще, по до­стоя́­нию убла­жа́­ем вас и вы́­ну бла­го­да́р­ствен­но по­е́м ди́в­но­му во свя­ты́х Сво­и́х Бо́­гу: Алли­лу́иа.

Ви́­дев­ше жи­тие́ ва́ше пра́­вед­ное и щед­ро́­ты ва́ша, лю́­дие му́ромстии сла́вляху вас, сво­и́х прави́телей ми́лостивых, бла­го­ве́р­нии Пе́тре и Февро́ние, вы же сми­ре́­ние и́с­тин­ное возлюби́вше и похвалы́ челове́ческия небре́гше, горды́нею неуя́звлени пребы́сте, и тем показа́сте нам о́б­раз вы́шшаго сми­ре́­ния, ему́­же поуча́яся, с лю­бо́­вию во­пи­е́м вам та­ко­ва́я: Ра́дуйтеся, сла́­ву челове́чу ни во что же вмени́вшии; ра́дуйтеся, сми­ре́­ние Хрис­то́­во усе́рд­но возлюби́вшии. Ра́дуйтеся, за́­по­ве­дей Гос­по́д­них ве́рнии исполни́тели; ра́дуйтеся, уче́ния Ева́нгельскаго и́стиннии после́дователи. Ра́дуйтеся, раби́ Бо́­га Вы́ш­ня­го, во́лю Его́ сотво́ршии; ра́дуйтеся, ве́­ру Христо́ву до кон­ца́ соблю́дшии. Ра́дуйтеся, хри­сто­име­ни́­тым лю́­дем бла­го­че́с­тия учи́тели; ра́дуйтеся, хотя́щих богоуго́дно жи́ти богому́дрии наста́вницы. Ра́дуйтеся, мо­ли́т­ва­ми ва́шими спаса́ющии нас от вся́­ких бед; ра́дуйтеся, вся бла­га́я про­ше́­ния на́­ша исполня́ющии. Ра́дуйтеся, в не­ду́­зех стра́ждущих благода́тнии вра́чеве; ра́дуйтеся, ми́лостивии стра­ны́ Му́ромския покрови́телие. Ра́дуйтеся, святи́и и пресла́внии чудотво́рцы Пе́тре и Февро́ние.

Пропове́дницы ве́­ры пра­во­сла́вныя и ревни́тели бла­го­че́с­тия не сло́­вом то́кмо, но всем жи­ти­е́м сво­и́м бы́сте во гра́­де Му́роме, прехва́льнии Пе́тре и Февро́ние; те́м­же и свя­та́я Це́р­ковь досто́йне почита́ет по́д­ви­ги и тру­ды́ ва́ша, и́ми­же труди́стеся во сла́­ву Бо́­га Вы́ш­ня­го, немо́лчно воспева́я Ему́: Алли­лу́иа.

Возсия́сте во гра́­де Му́роме све́­том доброде́тельнаго жи­тия́ ва́шего, я́ко зве́зды богосве́тлыя, преблаже́ннии Пе́тре и Февро́ние, и па́­мять ва́ша в нем с похвала́ми до днесь, я́ко и по сме́р­ти свое́й не престае́те озаря́ти нас, мно́гая чу­де­сы́ соверша́юще, и те́ми све́тлую зарю́ без­сме́р­тия нам от мо­ще́й ва́ших возсиява́юще, да убла­жа́­ем вас благохвале́ниями сицевы́ми: Ра́дуйтеся, чи́на и уста́вов свя­ты́я Це́рк­ве ве́рнии храни́тели; ра́дуйтеся, служи́телей ол­та­ря́ Гос­по́д­ня благогове́йнии почита́тели. Ра́дуйтеся, бла­ги́х обы́чаев и пре­да́­ний святооте́ческих ревни́тели; ра́дуйтеся, обы́чаев злых и суему́дрий язы́ческих искорени́тели. Ра́дуйтеся, суды́ нелицеприя́тны лю́­дем ва́шим твори́вшии; ра́дуйтеся, суды́ ва́ша с ми́­лос­тию соедини́вшии. Ра́дуйтеся, кро́тцыи и незло́бивии после́дователи Хри­сто́­вы; ра́дуйтеся, зло́бу добро́м препобежда́вшии. Ра́дуйтеся, не­тле́­ния благоуха́ющии цве́ти; ра́дуйтеся, без­сме́р­тия немерца́ющии лучи́. Ра́дуйтеся, на зем­ли́ ве­ли́­чи­ем чу­де́с блиста́ющии; ра́дуйтеся, на Не­бе­си́ со А́н­ге­лы Бо́­га сла́вящии. Ра́дуйтеся, святи́и и пресла́внии чудотво́рцы Пе́тре и Февро́ние.

Хо­тя́й человеколю́бец Гос­по́дь яви́­ти в жи­тии ва́шем, Пе́тре и Февро́ние, о́б­раз назида́ния не то́кмо лю́­дем мирски́м, но и ли́­ком и́ноческим, вну­ши́ вам в ста́­рос­ти масти́тей оста́вити сла́­ву княже́ния зем­на́­го, и восприя́ти о́б­раз и́ноческий, в не́м­же подвиза́стеся до́б­ре пос­то́м, бде́­ни­ем и мо­ли́т­вою, вос­пе­ва́ю­ще непреста́нно Триеди́ному Бо́­гу а́нгельскую песнь: Алли­лу́иа.

Но́вую бла­го­да́ть Бо́­жию во и́ночестем постриже́нии прие́мше, преподо́бнии, но́выми по́двигами украси́сте равноа́нгельное жи­тие́ ва́ше и та́­ко сугу́б плод соверше́нства духо́внаго Хри­сту́ принесо́сте, и мзду пре­по­до́б­ных досто́йне от Не­го́ восприя́сте. Помина́я у́бо такову́ю ре́в­ность ва́шу к по́двигом духо́вным, про­сла­вля­ем вас си́­ми достодо́лжными похвалы́: Ра́дуйтеся, я́ко люб­ве́ ра́­ди Го́с­по­да, ми́­ра се­го́ княже́ние и сла́­ву оста́висте; ра́дуйтеся, я́ко и́но­чес­кое равноа́нгельное жи­тие́ усе́рд­но восприя́сте. Ра́дуйтеся, соверше́ннаго терпе́ния подви́жницы; ра́дуйтеся, во́льныя ни­ще­ты́ блаже́ннии стяжа́тели. Ра́дуйтеся, пре́ж­де кон­чи́­ны ва́шея вся стра́с­ти умертви́вшии воздержа́нием; ра́дуйтеся, восприя́вшии свя­ту́ю схи́му в броню́ спа­се́­ния. Ра́дуйтеся, багряни́цу кня́жескую на власяни́цу и́ноческую премени́вшии; ра́дуйтеся, пос­то́м, бде́­ни­ем и не­пре­ста́н­ны­ми мо­ли́т­ва­ми Бо́­гу до́б­ре угоди́вшии. Ра́дуйтеся, боголюбе́знаго уедине́ния взыска́тели; ра́дуйтеся, спаси́тельнаго без­мо́л­вия люби́тели. Ра́дуйтеся, сле­за́­ми моли́твенными ороша́еми; ра́дуйтеся, в со́нме пре­по­до́б­ных на Не­бе­си́ просла́вленнии. Ра́дуйтеся, святи́и и пресла́внии чудотво́рцы Пе́тре и Февро́ние.

Стра́н­ное и ди́в­ное бе чу́­до, ег­да́ ты, блаже́нне Пе́тре, на кончи́не жи­во­та́ тво­его́, про­ше́­ния ра́­ди супру́жницы твоея́, свя­ты́я Февро́нии, исхо́дом сво­и́м уме́длил еси́, до́ндеже сконча́ она́ пелену́ церко́вную, е́ю сшива́ему и вку́­пе с то­бо́ю к исхо́ду сме́ртному приспе́, и та́­ко неразлу́чнии в жи­тии, неразлу́чнии в кончи́не яви́стеся, и во еди́н день и час свя­ты́я ду́­ши своя́ в ру́­це Бо́жии преда́сте, зо­ву́­ще при́с­но живы́ми и ме́ртвыми облада́ющему Вла­ды́­це Бо́­гу: Алли­лу́иа.

Вси чудя́хуся и сла́вляху ди́в­на­го во свя­ты́х Сво­и́х Бо́­га, ег­да́ свя­ты́я ва́ша телеса́, в ра́зных гробе́х положе́нная, чу­де́с­но обрето́шася лежа́ща в о́бщей гробни́це, ю́же угото́васте се­бе́, преподо́бнии, в собо́рней це́рк­ви гра́­да Му́рома, иде́­же и доны́не неразлу́чно почива́ете, чудотво́рцы святи́и, не­оску́д­ныя источа́юще ис­це­ле́­ния всем, с ве́­рою при­бе­га́ю­щим к вам и зову́щим: Ра́дуйтеся, сою́з люб­ве́ ва́шея до гро́­ба и за гро́бом ве́р­но сохра́ншии; ра́дуйтеся, не то́кмо в жи́з­ни, но и по сме́р­ти, о Го́с­по­де соедине́ннии. Ра́дуйтеся, в супру́жестем благоче́стнем жи­тии вам подража́ющим кре́пцыи помо́щницы; ра́дуйтеся, теп­ло­то́ю люб­ве́ ва́шея и нас согрева́ющии. Ра́дуйтеся, сме́р­тию вре́менною преше́дшии к жи́з­ни ве́чней; ра́дуйтеся, от Го́с­по­да не­тле́­ни­ем и чу­де­сы́ просла́вленнии. Ра́дуйтеся, я́ко па́­мять ва́ша с похвала́ми и успе́ние со свя­ты́­ми; ра́дуйтеся, я́ко име­на́ ва́ша че́стна суть и благослове́нна в оте́­чест­ве ва́шем. Ра́дуйтеся, Рос­си́й­ския стра­ны́ удо­бре́­ние благода́тное; ра́дуйтеся, гра́­да Му́рома ог­раж­де́­ние несокруши́мое. Ра́дуйтеся, о лю́бящих и чту́­щих вас небе́снии предста́тели; ра́дуйтеся, приснопрося́щии нам у Го́с­по­да да́ры бла́­гос­ти Его́. Ра́дуйтеся, святи́и и пресла́внии чудотво́рцы Пе́тре и Февро́ние.

Вси А́нгели и свя­ты́х ли́ки ра́довахуся ра́­дос­тию ве́­лию, ег­да́ свя­ты́я ду́­ши ва́ша достиго́ша ве́ч­на­го в оби́­те­лех ра́йс­ких се­ле́­ния, и Сам Тво­ре́ц А́н­ге­лов и Святе́йший свя­ты́х Царь Сла́­вы Хрис­то́с, без­сме́р­тия вен­цы́ увенча́ вас и да­ро­ва́ вам бла­го­да́ть мо­ли­ти­ся Ему́ со дерз­но­ве­ни­ем мно́гим о всех и́щу­щих ва́шего за­ступ­ле́­ния, его́­же не лиши́те и нас гре́ш­ных, Пе́тре и Февро́ние достохва́льнии, сми­рен­но­му́д­рен­но воспева́ющих просла́вльшему вас Бо́­гу хвале́бную песнь: Алли­лу́иа.

Вети́йство челове́ческое не довле́ет к досто́йному прославле́нию ди́в­на­го жи­тия́ ва́шего, святи́и чудотво́рцы Пе́тре и Февро́ние; кто бо испове́сть вся мо­ле́­ния и поще́ния, бо­ле́з­ни и тру­ды́ ва́ша? кто изочте́т вся сле́зы и воздыха́ния ва́ша я́же к Бо́­гу? Оба́­че мы лю­бо́­вию к вам подвиза́еми, дерза́ем вос­пе­ва́­ти вам сия́ ма́лыя и нехи́тростныя похвалы́: Ра́дуйтеся, бла­го­да́­ти Свя­та́­го Ду́­ха избра́ннии сосу́ди; ра́дуйтеся, ра́­дос­ти нам ве́ч­ныя благоприя́тнии хода́таи. Ра́дуйтеся, богобоя́зненных супру́гов в бла­го­че́с­тии утвер­жде́­ние; ра́дуйтеся, наруши́телей супру́жескаго це­ло­му́д­рия и согла́сия гро́з­ное об­ли­че́­ние. Ра́дуйтеся, гнев Бо́­жий, пра́ведно дви́жимый на нас, мо­ли́т­ва­ми ва́шими утоля́ющии; ра́дуйтеся, о ми́­ре всего́ ми́­ра непреста́нно Го́с­по­да умоля́ющии. Ра́дуйтеся, на вра­ги́ ви́­ди­мыя и неви́димыя кре́пцыи нам спобо́рницы; ра́дуйтеся, ангелонра́внии челове́цы. Ра́дуйтеся, пре­по­до́б­ных и пра́­вед­ных сонасле́дницы; ра́дуйтеся, Пре­свя­ты́я Тро́ицы ве́рнии уго́дницы. Ра́дуйтеся, блаже́ннии обита́тели го́р­ня­го гра́­да Иерусали́ма Не­бе́с­на­го; ра́дуйтеся, со свя­ты́­ми торжеству́ющии в ски́ниях ра́йс­ких. Ра́дуйтеся, святи́и и пресла́внии чудотво́рцы Пе́тре и Февро́ние.

Спа­се́­ние ве́чное унасле́довавше богоблаже́ннии Пе́тре и Февро́ние, душа́ми ва́шими в оби́­те­лех го́рних неразлу́чно в Бо́­зе пребыва́ете, свя­ты́­ми же моща́ми ва́шими в хра́­ме Бо́жием нетле́нно вку́­пе почива́ете, и оби́льныя ис­це­ле́­ния источа́ете, да чу­де­сы́ ва́шими благода́тно оза­ря́е­ми, хвале́бно взы­ва́­ем Верхо́вному Твор­цу́ чу­де́с Бо́­гу: Алли­лу́иа.

Сте́­ну за­ступ­ле́­ния, благоприя́тныя мо­ли́т­вы ва́ша к Бо́­гу, обре́тше, святи́и чудотво́рцы Пе́тре и Февро́ние, благодаре́ние Отцу́ Небе́сному усе́рд­но возсыла́ем за вся благодея́ния Его́, ва́ми всем нам оби́ль­но явля́емая, вам же, предста́телям на́­шим, сицево́е при­но́­сим пе́­ние: Ра́дуйтеся, всесве́тлаго Ца́рст­вия Хри­сто́­ва насле́дницы; ра́дуйтеся, а́нгельских лико́в собесе́дницы. Ра́дуйтеся, Бо́­га во сла́­ве не­при­сту́п­ней созерца́ющии; ра́дуйтеся, Трисия́ннаго Бо­же­ства́ таи́нницы. Ра́дуйтеся, со свя­ты́­ми на Не­бе­си́ веч­но ца́рствующии; ра́дуйтеся, от го́рних вы­со́т к земноро́дным ми́лостивно приника́ющии. Ра́дуйтеся, кри́ни благоуха́ннии не­бе́с­на­го прозябе́ния; ра́дуйтеся, кипари́си чудото́чнии рая́ Иису́сова. Ра́дуйтеся, пода́тели незави́стнии безме́зднаго врачева́ния; ра́дуйтеся, соверши́тели достохва́льнии мно́гих чу­де́с. Ра́дуйтеся, благодея́ний мно́­жест­во нам источа́ющии; ра́дуйтеся, ми́­лос­тию со­стра­да́­ния ва́шего всех объе́млющии. Ра́дуйтеся, святи́и и пресла́внии чудотво́рцы Пе́тре и Февро́ние.

Пе́­ние моле́бное при­но́­сим вам, уго́дницы Бо́жии Пе́тре и Февро́ние, и с лю­бо́­вию припа́даем к ра́це свя­ты́х и многоцеле́бных мо­ще́й ва́ших, прославля́я жи­тие́ ва́ше бо­го­угод­ное и по́д­ви­ги мно́ги. Мо́­лим­ся вам усе́рд­но, чудотво́рцы святи́и, помози́те нам подража́ти ва́шим доброде́телем, да возмо́жем богоуго́дно пе́­ти Со­зда́­те­лю на́­ше­му: Алли­лу́иа.

Све́­та не­бе́с­на­го ис­по́л­нен бе собо́рный храм гра́­да Му́рома, ег­да́ бла­го­во­ле́­ни­ем Бо́­жи­им свя­ты́я мо́­щи ва́ша Пе́тре и Февро́ние, це́лы и благоуха́нны обрето́шася в нем, и из недр зем­ны́х, я́ко со­кро́­ви­ще драгоце́нное, изнесе́ны бы́ша, иде́­же и до ны́­не почива́ют, ис­це­ле́­ния не­оску́д­ныя источа́юще неду́жным и боля́щим. Се­го́ ра́­ди пе́сненно во­пи­е́м к вам: Ра́дуйтеся, зла́то не­тле́н­ное, в не́дрех зем­ны́х обре́тенное; ра́дуйтеся, би́сери сия́ющии и благода́тно просвеща́ющии че­ло­ве́­ков. Ра́дуйтеся, свя­ты́я Пра­во­сла́вныя Це́рк­ве по­хва­ло́; ра́дуйтеся, ере­се́й и раско́лов об­ли­че́­ние. Ра́дуйтеся, све́ти у́мнии, за­ре́ю Свя­та́­го Ду́­ха облиста́ющии; ра́дуйтеся, ми́­ра благоуха́ния Хри­сто́­ва преиспо́лненнии. Ра́дуйтеся, облече́ннии в ри́зу благода́тного не­тле́­ния; ра́дуйтеся, препоя́саннии си́­лою мно́гих чу­де́с. Ра́дуйтеся, я́ко ра́ка ва́ша честна́я враче́бница яви́­ся неду́гом челове́ческим; ра́дуйтеся, я́ко от нея́ всяк с ве́­рою приходя́й да́ры це­ле́б­ныя при­е́м­лет. Ра́дуйтеся, све́тлостию чу­де́с ва́ших мрак душ на́­ших озаря́ющии; ра́дуйтеся, не­тле́­ни­ем свя­ты́х мо­ще́й ва́ших зарю́ об­ща­го всех воскресе́ния нам показу́ющии. Ра́дуйтеся, святи́и и пресла́внии чудотво́рцы Пе́тре и Февро́ние.

Бла­го­да́ть свы́­ше вам дарова́нную, по­зна́в­ше, святи́и чудотво́рцы Пе́тре и Февро́ние, с благогове́нием и лю­бо́­вию покланя́емся нетле́нным и мно­го­це­ле́б­ным моще́м ва́шим и от них прие́млем в не­ду́­зех ис­це­ле́­ние, в ско́р­бех уте­ше́­ние, в бе­да́х бла­го­да́т­ную по́­мощь: те́м­же и про­сла­вля­ем вас по до­стоя́­нию, не­бе́с­ных предста́телей и засту́пников на́­ших, вос­пе­ва́ю­ще хвалы́ и благодаре́ния ва́ми благотворя́щему нам Вла­ды́­це Бо́­гу: Алли­лу́иа.

Пою́­ще мно́гая и пре­сла́в­ная ва́ша чу­де­са́, вели́цыи уго́дницы Бо́жии Пе́тре и Февро́ние, убла­жа́­ем вас, я́ко цели́телей, уте́шителей и помо́щников от Го́с­по­да нам дарова́нных, и моли́твенно торжеству́ем свя­ту́ю па́­мять ва́шу, от люб­ве́ сер­де́ч­ныя вос­пе­ва́ю­ще вам бла­го­да́р­ствен­но и хвале́бно: Ра́дуйтеся, во благоуха́нии свя­ты́­ни нетле́нно почива́ющии; ра́дуйтеся, с ве́­рою приходя́щих к ра́це мо­ще́й ва́ших благода́тно освяща́ющии. Ра́дуйтеся, при­зы­ва́ю­щих моли́твенно честна́я име­на́ ва́ша ско́рии услы́шатели; ра́дуйтеся, упо­ва́­ние на вас по Бо́­зе возлага́ющих ди́внии помо́щницы. Ра́дуйтеся, изве́стнии умилостиви́тели Ца­ря́ Не­бе́с­на­го; ра́дуйтеся, си́льнии защи́тницы на́ши от вра­го́в не­ви́­ди­мых. Ра́дуйтеся, при́снии всем нам хода́таи спа­се́­ния; ра́дуйтеся, неотсту́пнии храни́тели гра́­да Му́рома. Ра́дуйтеся, кня­зей рос­си́й­ских пречу́дная добро́то; ра́дуйтеся, оте́чества ва́шего Бо́­гом дарова́ннии покрови́тели. Ра́дуйтеся, теле́с на́­ших благода́тнии целе́бницы; ра́дуйтеся, о ду­ша́х на́­ших усе́рднии ко Го́с­по­ду моли́твенницы. Ра́дуйтеся, святи́и и пресла́внии чудотво́рцы Пе́тре и Февро́ние.

О святи́и и пресла́внии чудотво́рцы, бла­го­ве́р­нии кня́же Пе́тре и княги́не Февро́ние! Приими́те ми́лостивно сие́ похва́льное пе́­ние от нас не­до­сто́й­ных во уми­ле́­нии вам при­но­си́­мое, и ва́шим пред­ста́­тель­ством у Го́с­по­да испроси́те нам утвер­жде́­ние в ве́­ре и до́б­рых де́­лех, и из­бав­ле́­ние от всех скор­бе́й и бо­ле́з­ней вре́­мен­ных и ве́ч­ных, да спо­до́­бим­ся вку́­пе с ва́ми и все́­ми свя­ты́­ми во Ца́рст­вии Небе́снем пе́­ти Пресвяте́й Тро́­ице веч­но хвале́бную песнь: Алли­лу́иа.

(Этот кондак чи­та­ет­ся трижды, за­те́м икос 1 и кондак 1)

Мо­ли́т­ва пер­вая

О вели́цыи уго́дницы Бо́жии и преди́внии чудотво́рцы бла­го­ве́р­нии кня́же Пе́тре и княги́не Февро́ние, гра́­да Му́рома предста́тели и храни́тели, и о всех нас усе́рднии ко Го́с­по­ду моли́твенницы! К вам при­бе­га́­ем и вам мо́­лим­ся с упова́нием кре́п­ким: принеси́те за нас гре́ш­ных свя­ты́я мо­ли́т­вы ва́ша ко Го́с­по­ду Бо́­гу и испроси́те нам у бла́­гос­ти Его́ вся бла­го­по­треб­ная ду­ша́м и те­ле­се́м на́­шим: ве́­ру пра́ву, на­де́ж­ду бла́гу, лю­бо́вь нелицеме́рну, бла­го­че́с­тие непоколеби́мое, в до́б­рых де́­лех преуспе́яние, ми́­ра умире́ние, зем­ли́ пло­до­но́­сие, возду́ха благорастворе́ние, ду­ша́м и те­ле­се́м здра́­вие и ве́чное спа­се́­ние. Исхода́тайствуйте у Ца­ря́ Не­бе́с­на­го: ве́р­ных ра­бо́в Его́, в ско́р­би и пе­ча́­ли день и нощь во­пию́­щих к Не­му́, мно­го­бо­ле́з­ный вопль да услы́­шит и да из­ве­де́т от по­ги́­бе­ли жи­во́т наш. Испроси́те Це́рк­ви свя­те́й и всей дер­жа́­ве Рос­си́й­стей мир, ти­ши­ну́ и благоустрое́ние, и всем нам жи­тие́ благополу́чное и до́брую хри­сти­а́н­скую кон­чи́­ну. Огради́те оте́чество ва́ше, град Му́ром, и вся гра́­ды Рос­си́й­ския от вся́­ка­го зла и вся правове́рныя лю́­ди, к вам приходя́щия и моще́м по­кла­ня́ю­щия­ся, осени́те бла­го­да́т­ным де́йством благоприя́тных мо­ли́тв ва́ших, и вся про­ше́­ния их во бла́­го испо́лните. Ей, чудотво́рцы святи́и! Не пре́зрите мо­ли́тв на́­ших, со уми­ле́­нием вам возноси́мых, но бу́дите о нас при́снии предста́тели ко Го́с­по­ду и сподо́бите нас по́­мо­щию ва́шею свя­тою спа­се́­ние ве́чное получи́ти и Ца́рст­вие Не­бе́с­ное унасле́довати; да славосло́вим не­из­ре­че́н­ное человеколю́бие От­ца́, и Сы́­на, и Свя­та́­го Ду́­ха, в Тро́­ице покланя́емаго Бо́­га, во ве́­ки ве­ко́в. Ами́нь.

Мо­ли́т­ва вто­рая

О уго́дницы Бо́жии, бла­го­ве́р­нии кня́же Пе́тре и княги́не Февро́ние, к вам при­бе­га́­ем и к вам со упова́нием кре́п­ким мо́­лим­ся: вознеси́те о нас, гре́ш­ных (име­на́), свя­ты́я мо­ли́т­вы ва́ши ко Го́с­по­ду Бо́­гу и испроси́те у бла́­гос­ти Его́ вся бла­го­по­треб­ная ду­ша́м и те­ле­се́м на́­шим: ве́­ру пра́ву, на­де́ж­ду бла́гу, лю­бо́вь нелицеме́рну, бла­го­че́с­тие непоколеби́мо, в до́б­рых де́­лех преуспе́яние. И хода́тайствуйте нам у Ца­ря́ Не­бе́с­на­го жи­тие́ благополу́чное и до́брую хри­сти­а́н­скую кон­чи́­ну. Ей, чудотво́рцы святи́и! Не пре́зрите мо­ли́тв на́­ших, но бу́дите о нас при́снии предста́телие ко Го́с­по­ду, и сподо́бите нас по́­мо­щию ва́шею спа­се́­ние ве́чное получи́ти и Ца́рст­вие Не­бе́с­ное унасле́довати, да славосло́вим не­из­ре­че́н­ное человеколю́бие От­ца́ и Сы́­на и Свя­та́­го Ду́­ха, в Тро́­ице покланя́емаго Бо́­га во ве́­ки ве­ко́в.

Замуж после 30? Акафист святым Петру и Февронии

Елена

С детства всегда мечтала о семье и детях, очень ждала своего совершеннолетия, когда можно будет выходить замуж. Время шло, женихи сменялись один за другим, а я была очень разборчивой и все ждала своего принца. Миновало 18-летие, потом 20 летний рубеж, когда большая часть моих подруг одна за другой повыходили замуж. Принца все не было, а меня притянуло к храму, стала переоценивать свою жизнь, воцерковляться, стараться жить духовной жизнью и соответственно в голове как-то прояснилось, что брак должен быть только венчанным и жених верующим. На светских молодых людей перестала обращать внимание, а в храме все приглядывалась, нет ли мне кого по душе из прихожан.

У меня появился духовник, очень строгий и аскетичный, который на мои вопросы о браке отвечал очень туманно и переводил разговоры на чтение или какие-то другие занятия. В какой-то момент я поняла, что из-за моего погружения в православие у меня не осталось друзей и подруг, интересы поменялись кардинально. Родственники начинали подсмеиваться, мол, ты совсем замолилась, а все одна, а вот у них все хорошо и без Бога. Только мои любимые родители поддерживали меня и успокаивали, что всему свое время.

Вот и 25 лет, а я все одна, совсем одна. Все грустнее и грустнее становилось мне, на пары девушек и юношей я уже смотрела как на что-то нереальное, казалось, что встретить своего человека – это из разряда фантастики, а жизнь проносится мимо, вот уже у подружек подросли детки, родственники махнули на меня рукой, а я все одна. Чтобы хоть как-то не сойти с ума и не сидеть, сложа руки, ездила по паломничествам, молилась всем святым, которых Господь посылал мне, причем молилась как–то одержимо только об одном – МУЖА! В душе я не надеялась на чудо Божие, а повторяла почти как заклинание, как мантру.

Потихоньку стали появляться православные друзья, подруги, завязываться какие-то общие дела. Меня пытались знакомить, но все было тщетно, в душе не было отклика. С некоторыми я пыталась дружить, переступая через себя, корила, что довыбираюсь и останусь снова одна, ходила к духовнику, спрашивала про очередного кандидата, и каждый раз батюшка отклонял кандидатуру. Причем отклонял не категорично, а просто из беседы с ним становилось понятно, что связывать судьбу не стоит. Лет в 28 я начинала понимать, что замуж не выйду, раз такие препятствия и сколько уже было претендентов, а ни с кем не складывается.
Грешным делом начала плохо думать о своем духовнике, думала, что пойду в следующий раз, если замуж позовут, без его благословения, а то вдруг он меня в монастырь готовит, да еще послушания назначает, то пению учиться, то праздники в воскресной школе организовывать.

В общем, начала ужасно унывать и томиться, и как ни странно в такой момент, вдруг как из рога изобилия посыпались претенденты, один другого лучше, православные и, на первый взгляд, достойные кандидаты. В таком немного приподнятом настроении я встретила 30-летие, в море цветов, друзей и подруг и с надеждой, что все у меня сложится.

Выбрала самого достойного, на мой взгляд, и мы стали встречаться, батюшке своему я ничего не говорила, а отношения развивались, но постепенно из восторженных и пылких скатились до безразличных, появился внутренний надлом и протест, встречаться больше не хотелось, сердце было истерзано и что делать дальше я уже не знала, а спрашивать у своего духовника не решалась. В таких терзаниях прошел месяц, и я не выдержала, стала вести себя так, что бы разонравиться, в результате жених написал гневное письмо, в котором обличил все мои пороки и недостатки и соответственно отношения были разорваны. Что со мною было передать страшно, помню себя рыдающую на кухне у подруги, отчаявшуюся в конец, разочарованную и подавленную и с мыслями, что это конец, замуж я не выйду, нужно как-то смиряться и примиряться с такой жизнью.
И вот на следующий день получаю сообщения от подружек сходить с ними на акафист к св Петру и Февронии. Машинально соглашаюсь, надеясь, что к воскресенью еще как-нибудь откажусь. В воскресенье стало скучно и чтобы как-то убить время еду на акафист. Рассеянно слушаю службу перед Иконой Святых, рассматриваю девочек, вижу, как они сосредоточенно и искренне молятся, оглядываю храм и взгляд упирается в спину молодого человека стоящего передо мной. Разглядываю его и удивляюсь, что симпатичный, интеллигентный парень и тоже одинок и пришел молить о семье. Стою и думаю, мне уже ждать нечего, сколько лет просила у Бога, ответа нет. Попрошу у Господа для этого человека хорошую жену, что бы хоть у него все сложилось счастливо, и он обрел свою половинку. Вот весь акафист я за него и промолилась.
А когда к иконе подходили, я узнала в нем знакомого, с которым полгода назад познакомилась на дне рождении у приятельницы. Он меня не узнал, и в толпе я его потеряла. Каково же было мое изумление, когда на следующей неделе со мной связывается подружка, у которой я плакала на кухне, и говорит, что я очень нравлюсь Андрею, и он хочет со мной продолжить знакомство. Андрей и был тем молодым человеком, о счастье которого я молилась перед иконой св Петра и Февронии. А он меня на акафисте не видел, но думал обо мне, а после акафиста принял решение связаться со мной. Вот так странно получилось, что я сама себя же ему в жены и вымолила!
Получилось так, что пока я все за себя решала и на себя в большей мере полагалась, Господь и смирял меня, а как от себя отказалась, так и муж Богом был послан незамедлительно!
Слава Богу за все! И точно, пути Господни неисповедимы!

Акафист Святым Петру и Февронии помогает наладить личную жизнь, прекратить скандалы и выяснения отношений между супругами, возродить любовь. Потому, что в христианстве они считаются покровителями брака и семьи. Их брак – пример настоящего христианского супружества.

Благоверные князь Петр и княгиня Феврония, Муромские чудотворцы

АКАФИСТ СВЯТЫМ БЛАГОВЕРНЫМ КНЯЗЮ ПЕТРУ И КНЯГИНЕ ФЕВРОНИИ, МУРОМСКИМ

Избраннии чудотворцы и велиции угодницы Господни, града Мурома заступницы и приснии о душах наших молитвенницы, святии благовернии Петре и княгине Февроние! Пение похвальное вам приносяще, молим вы усердно: яко имущии дерзновение ко Господу, предстательством вашим от всяких бед нас свободите и наследники Царствия Небеснаго нас соделайте, да зовем вам радостно:

Радуйтеся, святии и преславнии чудотворцы Петре и Февроние.

Ангели земнии и человецы небеснии воистину явистеся, блаженнии Петре и Февроние, от юности вашея чистую совесть имущии к Богу и добре во благочестии и чистоте вкупе пожившии, нам же оставльшии в пример подражания житие ваше богоугодное, емуже чудящеся и чудесы вашими озаряеми, зовем вам гласы хвалебными сице:

Радуйтеся, от юности вашея Христа возлюбившии и Тому от души поработавшии; радуйтеся, целомудрия хранители и душевныя и телесныя чистоты рачители.

Радуйтеся, души ваша и телеса на земли в обиталище Духа Святаго уготовившии; радуйтеся, исполненнии премудрости и разума божественнаго.

Радуйтеся, во плоти, яко безплотни, вкупе пожисте; радуйтеся, яко равноангельную честь достойно приясте.

Радуйтеся, яко от земли на Небо преидосте и тамо со Ангелы Троице предстоите; радуйтеся, яко со безплотными лики трисвятую песнь Ей воспеваете.

Радуйтеся, на Небеси и на земли от Господа прославленнии; радуйтеся, обретшии вечное всесветлое место упокоения.

Радуйтеся, града Мурома сокровища пребогатая; радуйтеся, источницы неистощимии чудес.

Радуйтеся, святии и преславнии чудотворцы Петре и Февроние.

Видев князь Петр в возвратной болезни своей знамение гнева Божия, за неисполнение обета своего пояти в супруги себе премудрую Февронию, потщася сие исполнити и сочетася с нею браком законным. Обаче и в супружестве целомудренно и богоугодно пожисте, блаженнии, имуще едину мысль во двою телу, еже благоугождати Богу; темже выну поете Ему ныне со Ангелы песнь: Аллилуиа.

Разумом богопросвещенным свыше одареннии, Петре и Февроние святии, любовь и милосердие к бедным и сирым явисте, обидимым и безпомощным заступницы бысте, и иными добродетельми многими украсисте княжение свое земное. Сего ради вопием к вам сице:

Радуйтеся, блаженнии и треблаженнии, в боголюбии пожившии и благоверие сохраншии; радуйтеся, милости и сострадания преисполненнии.

Радуйтеся, безпомощных скории помощницы; радуйтеся, печальных блазии утешители.

Радуйтеся, сирот и вдовиц кормители; радуйтеся, сущих в бедах предстатели.

Радуйтеся, болезней душевных и телесных искуснии целители; радуйтеся, скорбных сердец радостотворнии посетители.

Радуйтеся, любовь вашу к Богу любовию к ближним своим показавшии; радуйтеся, княжение ваше земное праведно и богоугодно содержавшии.

Радуйтеся, князей православных похвало и града Мурома утверждение; радуйтеся, всея земли Российския заступление.

Радуйтеся, святии и преславнии чудотворцы Петре и Февроние.

Силою благодати Божия укрепляемь, блаженне княже Петре, восхотел еси паче оставити град отечества твоего и княжение Муромское, неже бракоразвестися с премудрою Феврониею по настоянию гордых боляр твоих. Сего ради Бог тя прослави и сотвори, да темиже боляры возвращенный вкупе с супружницею твоею, на престоле княжения Муромскаго паки утвердился еси, нам же пример хранения закона Божия показуеши подвигом твоим, да подражающе тебе в святости хранения союза брачнаго, воспеваем подвигоположнику Христу: Аллилуиа.

Имуще попечение о людех своих, преблаженнии Петре и Февроние, неусыпно подвизастеся ко благу их, благочестие насаждая, нечестие искореняя и вражду умиротворяя. Темже и Господь, видя таковыя подвиги ваша, землю Муромскую плодоносием благослови и мир глубок княжению вашему дарова, подвизая люди ваша благодарственно воспевати вам сице:

Радуйтеся, угодницы Божии, житию великих святых сопричастницы; радуйтеся, правителие предобрии, люди муромския ко спасению путеводившии.

Радуйтеся, христианскаго благочестия блюстители; радуйтеся, нестроения, раздоров и всякаго нечестия искоренители.

Радуйтеся, супругов христиан ко благочестному житию наставницы; радуйтеся, целомудрия и воздержания супружескаго образи преизящнии.

Радуйтеся, праведнаго суда рачители; радуйтеся, немздоимства и безкорыстия ревнители.

Радуйтеся, святых царей Константина и Елены добродетелей стяжатели; радуйтеся, равноапостольнаго князя Владимира и блаженныя княгини Ольги достойнии преемницы.

Радуйтеся, двоице пречестная и благое сочетание, лучами чудес немерцаемо сияющии; радуйтеся, отечества вашего пресветлии светильницы.

Радуйтеся, святии и преславнии чудотворцы Петре и Февроние.

Буря скорбей и напастей, воздвизаемая злобою мира сего, не ослаби крепкия любве вашея, яже к Богу, Петре и Февроние блаженнии, но паче научи вас благоискусно отражати разжженныя стрелы искушений диавольских: вы бо, оболкшеся в броню веры Христовы, в мире глубоце преидосте многомятежную пучину житейскаго моря и достигосте в тихую пристань спасения, к нейже и нас молитвами вашими приведите, да вкупе с вами поем Богу: Аллилуиа.

Слышавше ближнии и дальнии благочестное житие ваше, благовернии Петре и Февроние, прославляху человеколюбца Бога, даровавшаго вам крепость на вся дела благая, имиже, яко лучами пресветлыми, просиясте в отечестве вашем, идеже и доныне имена ваша честны, и подвиги ваша воспеваются похвалами сими:

Радуйтеся, двоице пресветлая, Богом совокупленная; радуйтеся, светом благочестнаго жития вашего, яко светила богосветлая, просиявшии.

Радуйтеся, милостынею и молитвами Небесное Царствие стяжавшии; радуйтеся, смирением и пощением вечное блаженство улучившии.

Радуйтеся, яко мзда ваша многа на Небесех есть; радуйтеся, яко радость ваша вечна во светлостех святых.

Радуйтеся, раби Христовы возлюбленнии; радуйтеся, святых всех приснии друзи.

Радуйтеся, звезды непрелестнии, путь супружескаго жития богоугоднаго верно указующии; радуйтеся, облацы росоноснии, зной страстей и нечестия прогоняющии.

Радуйтеся, Божиих милостей и щедрот нам податели; радуйтеся, отечества вашего украшение неотъемлемое.

Радуйтеся, святии и преславнии чудотворцы Петре и Февроние.

Богопросвещеннии светильницы благочестия и предивнии чудотворцы Петре и Февроние, Бога от всея души возлюбивше, вся заповеди Его сохранисте; темже и Христос, яко солнце и луну пресветлыя, показа вас, преблаженнии, чудес многих зарею озаряющия область Муромскую и всю страну Российскую, прославив нетлением святыя и многоцелебныя мощи ваша, к нимже припадающе, по достоянию ублажаем вас и выну благодарственно поем дивному во святых Своих Богу: Аллилуиа.

Видевше житие ваше праведное и щедроты ваша, людие муромстии славляху нас, своих правителей милостивых, благовернии Петре и Февроние, вы же, смирение истинное возлюбивше и похвалы человеческия небрегше, гордынею неуязвлени пребысте и тем показасте нам образ вышшаго смирения, емуже поучаяся, с любовию вопием вам таковая:

Радуйтеся, славу человечу ни во что же вменившии; радуйтеся, смирение Христово усердно возлюбившии.

Радуйтеся, заповедей Господних вернии исполнители; радуйтеся, учения Евангельскаго истиннии последователи.

Радуйтеся, раби Бога Вышняго, волю Его сотворшии; радуйтеся, веру Христову до конца соблюдшии.

Радуйтеся, христоименитым людем благочестия учители; радуйтеся, хотящих богоугодно жити богомудрии наставницы.

Радуйтеся, молитвами вашими спасающии нас от всяких бед; радуйтеся, вся благая прошения наша исполняющии.

Радуйтеся, в недузех страждущих благодатнии врачеве; радуйтеся, милостивии страны Муромския покровителие.

Радуйтеся, святии и преславнии чудотворцы Петре и Февроние.

Проповедницы веры православныя и ревнители благочестия не словом токмо, но всем житием своим бысте во граде Муроме, прехвальнии Петре и Февроние; темже и святая Церковь достойне почитает подвиги и труды ваша, имиже трудистеся во славу Бога Вышняго, немолчно воспевая Ему: Аллилуиа.

Возсиясте во граде Муроме светом добродетельнаго жития вашего, яко звезды богосветлыя, преблаженнии Петре и Февроние, и память ваша в нем с похвалами доднесь, яко и по смерти своей не престаете озаряти нас, многая чудесы совершающе и теми светлую зарю безсмертия нам от мощей ваших возсиявающе, да ублажаем вас благохвалениями сицевыми:

Радуйтеся, чина и уставов святыя Церкве вернии хранители; радуйтеся, служителей олтаря Господня благоговейнии почитатели.

Радуйтеся, благих обычаев и преданий святоотеческих ревнители; радуйтеся, обычаев злых и суемудрий языческих искоренители.

Радуйтеся, суды нелицеприятны людем вашим творившии; радуйтеся, суды ваша с милостию соединившии.

Радуйтеся, кротции и незлобивии последователи Христовы; радуйтеся, злобу добром препобеждавшии.

Радуйтеся, нетления благоухающии цвети; радуйтеся, безсмертия немерцающии лучи.

Радуйтеся, на земли величием чудес блистающии; радуйтеся, на Небеси со Ангелы Бога славящии.

Радуйтеся, святии и преславнии чудотворцы Петре и Февроние.

Хотяй человеколюбец Господь явити в житии вашем, Петре и Февроние, образ назидания не токмо людем мирским, но и ликом иноческим, внуши вам в старости маститей оставити славу княжения земнаго и восприяти образ иноческий, в немже подвизастеся добре постом, бдением и молитвою, воспевающе непрестанно Триединому Богу ангельскую песнь: Аллилуиа.

Новую благодать Божию во иночестем пострижении приемше, преподобнии, новыми подвигами украсисте равноангельное житие ваше, и тако сугуб плод совершенства духовнаго Христу принесосте, и мзду преподобных достойне от Него восприясте. Поминая убо таковую ревность вашу к подвигом духовным, прославляем вас сими достодолжными похвалы:

Радуйтеся, яко любве ради Господа, мира сего княжение и славу остависте; радуйтеся, яко иноческое равноангельное житие усердно восприясте.

Радуйтеся, совершеннаго терпения подвижницы; радуйтеся, вольныя нищеты блаженнии стяжатели.

Радуйтеся, прежде кончины вашея вся страсти умертвившии воздержанием; радуйтеся, восприявшии святую схиму в броню спасения.

Радуйтеся, багряницу княжескую на власяницу иноческую пременившии; радуйтеся, постом, бдением и непрестанными молитвами Богу добре угодившии.

Радуйтеся, боголюбезнаго уединения взыскатели; радуйтеся, спасительнаго безмолвия любители.

Радуйтеся, слезами молитвенными орошеннии; радуйтеся, в сонме преподобных на Небеси прославленнии.

Радуйтеся, святии и преславнии чудотворцы Петре и Февроние.

Странное и дивное бе чудо, егда ты, блаженне Петре, на кончине живота твоего, прошения ради супружницы твоея, святыя Февронии, исходом своим умедлил еси, дондеже сконча она пелену церковную, ею сшиваему, и вкупе с тобою к исходу смертному приспе; и тако неразлучнии в житии, неразлучни и в кончине явистеся, и во един день и час святыя души своя в руце Божии предасте, зовуще присно живыми и мертвыми обладающему Владыце Богу: Аллилуиа.

Вси чудяхуся и славляху дивнаго во святых Своих Бога, егда святая ваша телеса, в разных гробех положенная, чудесно обретошася лежаща во общей гробнице, юже уготовасте себе, преподобнии, в соборней церкви града Мурома, идеже и доныне неразлучно почиваете, чудотворцы святии, неоскудная источающе исцеления всем, с верою прибегающим к вам и зовущим:

Радуйтеся, союз любве вашея до гроба и за гробом верно сохраншии; радуйтеся, не токмо в жизни, но и по смерти о Господе соединеннии.

Радуйтеся, в супружестем благочестнем житии вам подражающим крепции помощницы; радуйтеся, теплотою любве вашея и нас согревающии.

Радуйтеся, смертию временною прешедшии к жизни вечней; радуйтеся, от Господа нетлением и чудесы прославленнии.

Радуйтеся, яко память ваша с похвалами и успение со святыми; радуйтеся, яко имена ваша честна суть и благословенна в отечестве вашем.

Радуйтеся, Российския страны удобрение благодатное; радуйтеся, града Мурома ограждение несокрушимое.

Радуйтеся, о любящих и чтущих вас небеснии предстатели; радуйтеся, приснопросящии нам у Господа дары благости Его.

Радуйтеся, святии и преславнии чудотворцы Петре и Февроние.

Вси Ангели и святых лики радовахуся радостию велию, егда святыя души ваша, достигоша вечнаго в обителех райских селения, и Сам Творец Ангелов и Святейший святых, Царь Славы Христос, безсмертия венцы увенча вас и дарова вам благодать молитися Ему со дерзновением многим о всех ищущих вашего заступления, егоже не лишите и нас грешных, Петре и Февроние достохвальнии, смиренномудренно воспевающих прославльшему вас Богу хвалебную песнь: Аллилуиа.

Витийство человеческое не довлеет к достойному прославлению дивнаго жития вашего, святии чудотворцы Петре и Февроние: кто бо исповесть вся моления и пощения, болезни и труды ваша? Кто изочтет вся слезы и воздыхания ваша, яже к Богу? Обаче мы, любовию к вам подвизаеми, дерзаем воспевати вам сия малыя и нехитростныя похвалы:

Радуйтеся, благодати Святаго Духа избраннии сосуди; радуйтеся, радости нам вечныя благоприятнии ходатаи.

Радуйтеся, богобоязненных супругов в благочестии утверждение; радуйтеся, нарушителей супружескаго целомудрия и согласия грозное обличение.

Радуйтеся, гнев Божий, праведно движимый на нас, молитвами вашими утоляющии; радуйтеся, о мире всего мира непрестанно Господа умоляющии.

Радуйтеся, на враги видимыя и невидимыя крепции нам споборницы; радуйтеся, ангелонравнии человецы.

Радуйтеся, преподобных и праведных сонаследницы; радуйтеся, Пресвятыя Троицы вернии угодницы.

Радуйтеся, блаженнии обитатели горняго града, Иерусалима Небеснаго; радуйтеся, со святыми торжествующии в скиниях райских.

Радуйтеся, святии и преславнии чудотворцы Петре и Февроние.

Спасение вечное унаследовавше, богоблаженнии Петре и Февроние, душами вашими в обителех горних неразлучно в Бозе пребываете, святыми же мощами вашими в храме Божием нетленно вкупе почиваете и обильная исцеления источаете, да чудесы вашими благодатно озаряеми, хвалебно взываем Верховному Творцу чудес Богу: Аллилуиа.

Стену заступления, благоприятныя молитвы ваша к Богу, обретше, святии чудотворцы Петре и Февроние, благодарение Отцу Небесному усердно возсылаем за вся благодеяния Его, вами всем нам обильно являемая, вам же, предстателем нашим, сицевое приносим пение:

Радуйтеся, всесветлаго Царствия Христова наследницы; радуйтеся, ангельских ликов собеседницы.

Радуйтеся, Бога во славе неприступней созерцающии; радуйтеся, Трисияннаго Божества таинницы.

Радуйтеся, со святыми на Небеси вечно царствующии; радуйтеся, от горних высот к земнородным милостивно приникающии.

Радуйтеся, крини благоуханнии небеснаго прозябения; радуйтеся, кипариси чудоточнии рая Иисусова.

Радуйтеся, податели независтнии безмезднаго врачевания; радуйтеся, совершители достохвальнии многих чудес.

Радуйтеся, благодеяний множество нам источающии; радуйтеся, милостию сострадания вашего всех объемлющии.

Радуйтеся, святии и преславнии чудотворцы Петре и Февроние.

Пение молебное приносим вам, угодницы Божии Петре и Февроние, и с любовию припадаем к раце святых и многоцелебных мощей ваших, прославляя житие ваше богоугодное и подвиги многи. Молимся вам усердно, чудотворцы святии, помозите нам подражати вашим добродетелем, да возможем богоугодно пети Создателю нашему: Аллилуиа.

Света небеснаго исполнен бе соборный храм града Мурома, егда благоволением Божиим святыя мощи ваша, Петре и Февроние, целы и благоуханны обретошася в нем, из недр земных, яко сокровище драгоценное, изнесены быша, идеже и доныне почивают, исцеления неоскудная источающе недужным и болящим. Сего ради песненно вопием к вам:

Радуйтеся, злато нетленное, в недрех земных обретенное; радуйтеся, бисери сияющии и благодатно просвещающии человеков.

Радуйтеся, святыя Православныя Церкве похвало; радуйтеся, ересей и расколов обличение.

Радуйтеся, свети умнии, зарею Святаго Духа облистающии; радуйтеся, мира благоухания Христова преисполненнии.

Радуйтеся, облеченнии в ризу благодатного нетления; радуйтеся, препоясаннии силою многих чудес.

Радуйтеся, яко рака ваша честная врачебница явися недугом человеческим; радуйтеся, яко от нея всяк с верою приходяй дары целебныя приемлет.

Радуйтеся, светлостию чудес ваших мрак душ наших озаряющии; радуйтеся, нетлением святых мощей ваших зарю общаго всех воскресения нам показующии.

Радуйтеся, святии и преславнии чудотворцы Петре и Февроние.

Благодать, свыше вам дарованную, познавше, святии чудотворцы Петре и Февроние, с благоговением и любовию покланяемся нетленным и многоцелебным мощем вашим и от них приемлем в недузех исцеление, в скорбех утешение, в бедах благодатную помощь; темже и прославляем вас по достоянию, небесных предстателей и заступников наших, воспевающе хвалы и благодарения вами благотворящему нам Владыце Богу: Аллилуиа.

Поюще многая и преславная ваша чудеса, велиции угодницы Божии Петре и Февроние, ублажаем вас, яко целителей, утешителей и помощников, от Господа нам дарованных, и молитвенно торжествуем святую память вашу, от любве сердечныя воспевающе вам благодарственно и хвалебно:

Радуйтеся, во благоухании святыни нетленно почивающии; радуйтеся, с верою приходящих к раце мощей ваших благодатно освящающии.

Радуйтеся, призывающих молитвенно честная имена ваша скории услышатели; радуйтеся, упование на вас по Бозе возлагающих дивнии помощницы.

Радуйтеся, известнии умилостивители Царя Небеснаго; радуйтеся, сильнии защитницы наши от врагов невидимых.

Радуйтеся, приснии всем нам ходатаи спасения; радуйтеся, неотступнии хранители града Мурома.

Радуйтеся, князей российских пречудная доброто; радуйтеся, отечества вашего Богом дарованнии покровители.

Радуйтеся, телес наших благодатнии целебницы; радуйтеся, о душах наших усерднии ко Господу молитвенницы.

Радуйтеся, святии и преславнии чудотворцы Петре и Февроние.

О святии и преславнии чудотворцы, благовернии княже Петре и княгине Февроние! Приимите милостивно сие похвальное пение, от нас недостойных во умилении вам приносимое, и вашим предстательством у Господа испросите нам утверждение в вере и добрых делех и избавление от всех скорбей и болезней временных и вечных, да сподобимся вкупе с вами и всеми святыми во Царствии Небеснем пети Пресвятей Троице вечно хвалебную песнь: Аллилуиа.

Этот кондак читается трижды, затем 1-й икос: «Ангели земнии…» и 1-й кондак: «Избраннии чудотворцы…».

Молитва первая

О велиции угодницы Божии и предивнии чудотворцы, благовернии княже Петре и княгине Февроние, града Мурома предстатели и хранители и о всех нас усерднии ко Господу молитвенницы! К вам прибегаем и вам молимся со усердием крепким: принесите за нас, грешных, святыя молитвы ваша ко Господу Богу и испросите нам у благости Его вся благопотребная душам и телесем нашим: веру праву, надежду благу, любовь нелицемерну, благочестие непоколебимое, в добрых делех преуспеяние, мира умирение, земли плодоносие, воздуха благорастворение, душам и телесем здравие и вечное спасение. Исходатайствуйте у Царя Небеснаго Церкви Святей и всей стране Российстей мир, тишину и благоустроение и всем нам житие благополучное и добрую христианскую кончину. Оградите отечество ваше, град Муром и вся грады Российския от всякаго зла и вся правоверныя люди, к вам приходящия и мощем вашим покланяющияся, осените благодатным действом благоприятных молитв ваших, и вся прошения их во благо исполните. Ей, чудотворцы святии! Не презрите молитв наших, со умилением вам возносимых, но будите о нас приснии предстатели ко Господу и сподобите нас помощию вашею святою спасение вечное получити и Царствие Небесное унаследовати, да славословим неизреченное человеколюбие Отца, и Сына, и Святаго Духа, в Троице покланяемаго Бога, во веки веков. Аминь.

Молитва вторая

О угодницы Божии, благовернии Петре и княгине Февроние, к вам прибегаем и к вам со упованием крепким молимся: вознесите о нас, грешных (имена), святыя молитвы ваши ко Господу Богу и испросите у благости Его вся благопотребная душам и телесем нашим: веру праву, надежду благу, любовь нелицемерну, благочестие непоколебимо, в добрых делех преуспеяние. Исходатайствуйте нам у Царя Небеснаго житие благополучное и добрую христианскую кончину. Ей, чудотворцы святии! Не презрите молитв наших, но будите о нас приснии предстателие ко Господу, и сподобите нас помощию вашею спасение вечное получити и Царствие Небесное унаследовати, да славословим неизреченное человеколюбие Отца, и Сына, и Святаго Духа, в Троице покланяемаго Бога, во веки веков.

Тропарь, глас 8

Яко благочестиваго корене пречестная отрасль был еси, добре во благочестии пожив, блаженне Петре, тако и с супружницею твоею, премудрою Феврониею, в мире Богу угодивше и преподобных житию сподобистеся. С нимиже молитеся Господеви сохранити без вреда отечество ваше, да вас непрестанно почитаем.

Кондак, глас 8

Мира сего княжение и славу временну помышляя, сего ради благочестно в мире пожил еси, Петре, купно и с супружницею твоею премудрою Феврониею, милостынею и молитвами Богу угодивше. Темже, и по смерти неразлучно во гробе лежаще, исцеление невидимо подаваете, и ныне Христу молитеся сохранити град же и люди, иже вас славящих.

>Православные акафисты

Добавить комментарий

Ваш e-mail не будет опубликован. Обязательные поля помечены *